| KING 911's profileoOo KING 911 oOoPhotosBlogLists |  Tools  Help |
|
March 15 في ذمة اللهالسلام عليكم ورحمة الله وبركااته اليوم 14-3-2006 14 / 2 / 1427هـ يا ودود يا ودود، ياذا العرش المجيد، يا مبدئ يا معيد، يا فعالا لما يريد، أسألك بنور وجهك الذي ملأ أركان عرشك، وأسألك بقدرتك التي قدرت بها على جميع خلقك، وأسألك برحمتك التي وسعت كل شيء، لا إله إلا أنت اسألك ان تغفر لها وترحمها وتسكنها فسيح جناتك وتنور لها في قبرها وتحشرها يوم القيامة مع الصدقين والشهداء والانبياء برحمتك يأرحم الراحمين ولجميع المسلمين الاحياء منهم والاموات April 26, 1987 تم التعديل :) اللهم ارحمها برحمتك يا كريم من لها سواك يارب ..! : : انتظروني قريبـ ـا s o r r y :: وشكررا لكل الي كتبو لي كومنت .. الله لا يحرمني منكم يارب February 07 تصميمين + الدنمارك + الستايلالاثنين 11:33 6\2\2006
السلام عليكم
كيف حالكم ..؟
ان شاء الله بخير..؟
لكم وحشـــــــــــــــــــه بـ عدد حباات الرمل
I miss u all
زمـــان عن السبيسـ او بالأصح عن البلوقـــات
سوريـ على التقصير بس والله كانتـ نفسيتيـ مررة حلوة ( زفت يعني ) والله يسامح الي كان السبب
ان شاء الله يكون مبسوط دحين
^.^
كله ولا زعلك خلي الزعل لي انا بس
لاني احسن منــكـ
وبالتوفيق في حياتك حبيبي
نرجعـ للحلوين
كيف الاجازة معاكم..؟ لا تقولوا ( زفت ) عشان المعدلات ما جات حلوة عند نااس كتير صح ..؟
يالله الحمد لله على كل حال سويتوا الي عليكم والمره الجية ان شاء الله
تشدو حيلكم اكترر .. ويالله دحين استمتعوا بالأجازة قد ما تقدروا وبلا دراسة لاهم
يالله بسم الله نبدأ
^ــ^
أول شي كيف الستاايل الجديد ..؟ ان شاء الله عجبكم ..؟ ولا الأول أحلى ..؟ انا صراحة أموـوـوـوت في اللون الأسود ويارب يعجبكم استنى رأيك
أخرر خبرر عبااد البقرر صاارو يتفلسفو دا الي كان ناقصنا لأنو
والاحلى من كل دا بعد ما سوو الي يبغووه يقولوا ( اسف ) اااخ بس
انا طول عمري اقــــول مين دا الغبي الي اخترع كلمة أسف وما خلى معاها كف ولا حااجة كدا
زي مررة واحد قتل واحد بعدين راح عند اهلوو وقلهم اسف بالغلط ..!!!؟
ما لقيتوا الا رسول الله صلى الله عليه وسلم ..؟
ما لقيتوا الا رسول البشريه كلها..؟
وربي قهــر انو مانقدر نسوي غير الاضرااب بس
لين دحين ماشفت حاكم عري اتكلم
كل واحد حاطط ـــ في فمو وسااكت
وبعدين باقي شي وااحد اتقبل اسفهم ولالا ..؟
اكيد لا وان شاء الله يفضل لا لانو حقووننا بكلمتين من امريكا يخلوها ايوا اتقبل الاسف لون اسود عشان لو واحد فيهم دحل يشووف لوول <<<< واحد حيتسفر اليوم
هه حســرة على قولة واحد غالي
المهم شوفتوا فوق الرجال كيف طلع وتعب وحطلكم لوحة كبيرة
فـ ياريت تسووا الي مكتوب عليها لاني مسويه وبقوه كمــان وحقون السن تووب بالذات لوول
ربي يشل يده دا الرسام ابن الرسامه شكلها امه كانت ترسم على حفاضته لوول نفسي احش فيه ليه بكره بس ما حنزل لمستوااه يالله الله على الظالم
أوكي دا تصميم اليوم عملته
اضغطو shift +كليك شمال من الماوس عشان تفتح في صفحة جديدة
::1::
ان شاء الله يعجبكم يارب ودا التصميم التااني
::2::
برضو ما نستغني عن رأيكم ^ــ*
وهذا تصميم لواحد صاحبي حبيب ألبي المميز ::3::
موضوع عجبني وحبيت انكم تشاركوني فيه ضـ ـع الكـ ـاس وارتـ ـاح قليـ ـلا
في يوم من الأيام كان في محاضر يلقي محاضرة عن التحكم بضغوط وأعباء الحياة لطلابه
فرفع كأسا من الماء وسأل المستمعين ما هو في اعتقادكم وزن هذا الكأس من الماء...؟
الإجابات كانت تتراوح بين 50 جم إلى 500 جم. !!.. فأجاب المحاضر : لا يهم الوزن المطلق لهذا الكأس فالوزن هنا يعتمد على المدة التي أظل ممسكا فيها هذا الكأس فلو رفعته لمدة دقيقة لن يحدث شيء
ولو حملته لمدة ساعة فسأشعر بألم في يدي
ولكن لو حملته لمدة يوم فستستدعون سيارة إسعاف
 الكأس له نفس الوزن تماما، ولكن كلما طالت مدة حملي له كلما زاد وزنه. فلو حملنا مشاكلنا وأعباء حياتنا في جميع الأوقات فسيأتي الوقت الذي لن نستطيع فيه المواصلة، فالأعباء سيتزايد ثقلها.
فما يجب علينا فعله
هو أن نضع الكأس ونرتاح قليلا قبل أن نرفعه مرة أخرى.
فيجب علينا أن نضع أعبائنا بين الحين والأخر لنتمكن من إعادة النشاط ومواصلة حملها مرة أخرى. فعندما تعود من العمل يجب أن تضع أعباء ومشاكل العمل ولا تأخذها معك إلى البيت. لأنها ستكون بانتظارك غدا وتستطيع حملها :
:
ارتاح
خد وقتك
لا تتسرع
بس لا تستعجل وتندم طول عمرك
:: قبل لا انسى قريت دا وحبيت انشره :: :: يامسلمين في كل مكان فقد اتفقت الأمة العربية على صيام يوم الخميس القادام اعتصاماً لرسلونا الحبيب
نجيـ للأمورين لو فاكرين الأخت لحظة غرام الي سويت معاها بلوق سبيسها الاولاني بطل يفتح لانه بس يعلق وطبعا مو بس هيا في كتيررررررر سبيسات كدا المهم سبيسهافوق في بداية الصفحة اتمنى تزوروا سبيسها الجديد او من هنــــــــــا وكمــــــان سبيس الاخت ( pink ) انسرق بينك لو دخلتي تاني ارسليلي ايميلك على الخاص عشان نعملك سبيس جديد
^ــ^ .. مهــــــــــاوي ترى لين دحين استنى رد ما حصلت شي لوول بانتظارك .. واي واحد اتقفل سبيسه ولا مايفتح
ترى من عيوني اسويله
واستنى ردودكم من
يالله يا حلووين اشوفكم على خيرر
January 09 موضوع مشترك بيني وبين الاخت لحظه غرام
December 20 شوشو + والى اللقاء
السلام عليكم
كيف الحال ..؟
انا الحمد لله ماشي حالي ومو مبسوط
والموود مو كويس
وسوري على التقصيرر
مررة اتأخرت
أوكي اليوم حوريكم حاجة عن البنات
أنه من جد ما يعجبهم عجب خخخخخخخ
مدري ايش يبغوا ..؟؟؟؟
NOT all G!rl
تم افتتاح مركز تسوق للأزواج في دالاس حيث يمكن للسيدات الذهاب واختيار
الصفات و المميزات القاعدة الوحيدة أنك لو فتحت باب أي دور من هذه الأدوار
الدور الأول عليه لافتة تقول
ولكن لنر ماذا في الدور الأعلى قالت الفتاتان .. ممممم .. ولكن ماذا في الأعلى؟
قالت الفتاتان : وااو .. رائع .. ولكن ماذا قد يكون
الرجال هنا لديهم وظائف بمرتبات كبيرة .. يحبون الأطفال .. في قالت الفتاتان : يا الهي .. تخيلي ماذا يكون بانتظارنا في الدور الأعلى
لإثبات أنه من المستحيل ارضاء المرأة!!!!!!!!!! .. ..
طبعا مو كل البناات الاغلبية بس
<<<< يعطيهم أمل في الحياة هههههههههههههههه
يالله دي صور لشوشو
قولوا ماشاء الله
<<<<< يخاف عليها
هنا لما كنا في البر
وهنا جمب البحر
ايوا صح كمان لو تخلوو الصفحة تفتح كويس حتسمعوا ايش تقوول
صفحة السبيس قصدي كح كح
سوري اليوم مافي تصميم الفوتوشوب خربان عندي
ممم ايوا صح كمان حغيب عنكم ابتداءا من تاريخ
22 - 12 -2005
يعني دا اخر بلووق ان شاء الله
وبعد الاختبارات اكمل او على حسب الوقت
المهم نكمل
دا الفلاش لوحدة سعودية قلدت برتني سبيرز
بس معليش الصوت مو مرة واضح
يعني لازم تعلو الصوت شوية عشان تسمعوها كويس
وصورة البنت حتطلع في الاخير
مدري متى ربنا يهدي دول البنات
بس الصراحة طالعة قمررر
بس برضو الله يهديهاا كح كح
كليك يمين وفتح نافذة جديدة
وبالله قولولي رأيكم فيها
كمان لا تنسوو
الي يبغى يصير مشهور يدخل يسجل هنـاا
بسرررعة لحقوووا لوول
استنى الكومنت وحرد في اقرب وقت عليكم December 08 قصة حزينة + ديو + تصميم
:
السلام عليكم
اتمنى الجميع يكونوا بخيير
ابدأ البلووق بدا الموضوع او بالاصح بدي القصة
سلطان بن رباح ومحمد بن عقيل
اصحاب واحباب زي ما يقولوا رب اخ لم تلده امك سلطان من كثر حبه لمحمد لما جاه ولد سماه محمد على اسم صاحبه الاتنين كانوا يحبوا الصيد ويعشقووه مررره ومره من المرات في رحلة كانوا خارجينها هما الاتنين على الظهر كدا كان محمد قاعد يجهز الغدا وسلطان جالس ينظف السلاح الي كان معاهم وفجأة ومن غير قصد انطلقت رصاصة من السلاح وجااات في قلب محمد ( وسلطان اصلا ما يدري انه في طلقة في المخزن حق السلاح ).وطبعا المنطقة فاضية لانها برحة وصحراء وحالة فما قدر سلطان يسوي شي الشرطة حطت سلطان في السجن والمشايخ بدأو يروحوا عند ابو محمد ( والد الميت ) ويترجوه انه يسامح سلطان لانه مو قصده بس للأسف من غير فايده واصدرت الشرطة الحكم عليه بالقصاص..!!!؟ وبعد ما تنفيذ الحكم لما جوو يدفنو سلطان بالصدفة طلع قبر سلطان جمب قبر محمد (صاحبه الي مات ) ما حطول عليكم اسمعوا القصيدة من هنــا صراحة قصة حزنتني كتييير واستغربت لما نفذوا الحكم عليه ..!!!!!!!!!!!!!!!!!!!!!؟
كليك يمين وحفظ الهدف بأسم
http://www.jawaly.org/rm/THBEE7.rm
واتمنى تعجبكم
امس كنت اكلم صاحبي فقلي شي صار معااه حقولكم هوا
الحلوو صاحبي اخد مفتاح سيارة اخوه وخرج فيها في الليل وراح على منطقة رملية جمب بيتهم وصار يمشي هناك شوية ويشوف السيارة وقفت ما تمشي بس شغالة يعني نزل يشوف حصلها مو مغرزة واستغرب ليش واقفة ..؟
المهم قام شاف مجموعة هنوود وناداهم يساعدوه جلسو يدفو السيارة كتييييييييير بس ما اتحركت من مكانها صاحبي اتأخر ما عرف ايش يسوي خايف لا يصحى اخوه اخر شي تعرفوا ايش طلع السبب .........؟؟
ـهههههههههههههههـ
الهاند بريك ( فرامل اليد ) كانت مرفوعه
ـههههههههههههههههههـ
وربي محشش بالقوة
دي المياه الغازية <<<<<< علشان في ناس اتفلسفو لووول صح يا بنت انتي وهيا ولالا...؟
المهم الديوو دا اتعرفت عليه لما مرة صاحبي عزمني عليه وشربناه على البحر المهم مرة من المرات شفت اولاد جالسين يكسروا القزاز حق الديو بيدهم يعني يسوي حركة بيده وانا صراحة عجبتني الحركة انه يدقها كدا دقتين وتنكسر مررة فاناجيت اسوي فناان ومدري ايش وجربت اول مرة ماانكسرت وتاني مررة ما انكسرت بعدين جربت التالتة انكسرت هيييييييييييييه انبسط وصرت كل مااشوف قزازة عصير اكسرها بالحركة دي فـ مرة خلاص خارجين من المدرسة وجيت اسوي الولد القوي كنت جالس اسويها برى المدرسة المهم صاحبي كان جالس جمبي وانا ضربت القزازة ماانكسرت ..!!!!؟ واصلا كنت يومها خارج معصب من المدرسة كنت مضارب مع الاستاذ علشان شعري كان طويل لووول ضربتها بقوة وكسرتها المهم خلاص وقفت ابغى اروح ولا احس شي ينقط من يدي طالعت..؟
لقيتها كلهاااااااااااا دم وينقط كتيييييييييييييييير المهم رجعت للمدرسة لاني كنت في الدكان الي جمبها شافتني المديرة خخخخخخخخ ايوة مديرة مو مدير المهم قالت : اييييييييش داااااااااااااااااااااااااااااا ومن ايش ...؟ ومتى ......؟ وليش ما رحت البيت قللتلها اتسكر على يدي الباب قالت ايت باب وجلست تحقق المهم قالتلي ما عندك دم
انا قلتلها اجل دا عصير الي بينقط مني ههههه قالت استحي على وجهك قلتلها طيب اسف حتوديني المستشفى ولا كيف ..؟
قالت ايوا دحيت ارسلك مع الاستاذ قلت اوكي ركبنا معاه الاستاذ : كيفك يا ابني انا وجمبي صاحبي قلت : الحمد لله قال : كيف صار كدا قلت : سحر قال : وقتك دحين قلت : المستشفى على اليمين قال: لا ما بوديك دي بوديك البعيدة قلت : هههههههه دا الي شاطرين فيه تحطوا المستشفيات بعيدة علشان لو في ميت على طول يموت قال : اسكت لا احد يسمعك قلت طيب شوية صاحبي حب يستهبل على الاستاذ قله يا استاذ احمد اغمى عليه الاستاذ خاف والسيارة صارت تروح يمين شمال صاحبي : ههههه لا تموتنا احمد مافيه شي الاستاذ : هوا وقتك يا عيل يا معفن انا : ههههههههههههههههه الاستاذ : انت بتضحك يا احمد موش كدا انا : اجل ابكي الاستاذ : بس يلا انت لازم تبكي عشان ايدك موش تضحك قلتله طيب شوية وحسيت الجرح يحرقني مررررة وخصوصا انه في اصبعي الصغيرر المهم جلست اقول : اي اووف يحرق
الاستاذ قال انا مش فاهم انت ما بتبكيش ليييه قلتله : اقولك اسرع بلاش كلام فاضي ترى يدي تعورني
قال الاستاذ الي جمبه خد كل التمر رح يخفف الالم
قلتله نعم يا بابا تمر مين الجرح في يدي مو في بطني قلي معليش كل
قلتله طيب مافي عصير معاه ولا حاجة
قال : ههههههههههههههه يا معفن عاوزز عصير هاا
قللتله انت دحين من جد رايح المستشفى ولا حتخطفني انا وصاحبي وتطلب فديية
قال الاستاذ : للأستاذ الي جمبه : بص الولا احمد بيقول ايه التاني : اصله بيتفرج افلام كتيررر
انا : هيهيهيهي يا دمك يا شيخ صاحبي : هههههههههههه احمد استحي
انا : عادي يبويا دا الاستاذ اخويا الكبير صح يا استاذ الاستاذ : يعني ايه يعني مش فاهم انا : لا ولاشي المهم اخر شي وصلنا و4 غرز في ييدي ولين دحين معلمة بس خفيييف
بس بعد ما طلعنا من المستشفى ونصايح وكلام فاضي كسرت وحدة تانية قدام الاستاذ وضربني ههههههههه
نستفيد من دا كلوو الديو يسبب العقم خخخخخخخخخخ <<<<< يخرب على الشركة تاني شي لا تقلد كل شي تشوفه وخاصة الشي الخطر تالت شي بطل لقاافة وكل شي تبغا تسويه <<<< قول لنفسك لوول
اوك وادوني رأيكم في دا التصميم
ان شاء الله يعجبكم
اضغط على الصورة علشان تشوفه
ونأسف للإطالة
بانتظار
your comment
December 02 +*+ شباب وموقف صار دوبه طاازه لوول +*+
السلام عليكم
كيف حالكم..؟
<< سؤال ما يحب يسأله كتيرر
لانه كله نفس الجوااب لوول
اوك اليوم صار معايا موقف لا احسد عليه خخخخخخ
رحت اصلي صلاة العشااء في المسجد
المهم دخلت المسجد وكانت فاتتني ركعة ..!!؟
خلص الامام الصلاة وسلم ولما جيت اقوم
شوفت شي عدى من قداامي بسررعة مررة
بعدين قلت خليني اكمل صلاتي شكلي اتخيل
شوية ويتحررك مررة تانية من بين رجوولي
ويعدي على الي جمبي ويطلع فوق رجووله
ياربييي من فين جاا داا ..؟
شوية والاقيه على ركبت الي جمبي
والله مررة ما عرفت اركز في الصلاة
وفجــــــــــأة
وقف بين رجولي وانا رااكع..!!!!!!!!!!؟
ياشباب احد يشيله يخووفه خخخخخخخ
والله ولا احد في الدنياا
<<< ضحية صرصورر
وطوولت في الركوع علشان يمشي المعفن وما مشي
يا ابن الحلال شيلك حطك ماافي مو راضي يتحرك
وانا اخااف لو سجدت يععععععع يجي على وجهي
وربي بعدين اتشقلب في الجوو خخخخخخخخخخ
المهم شوية واشوفه اتحررك قمت على طول سجدت ورفعت
وقرات التحياات بسسررررررعة وبعدين سلمت وجررري على البااب
وجالس ادور عليه فينو المعفن واشوفه بين رجول الي كاان جمبي
وجالس ينط وربي مو انه يمشي وبس لا ينط كماان
المهم اخر شي جا واحد شاله كدا يعععع ورمااه برى
تعرفوا ايش طلع ..؟
نملة هههههههههههههههههههههههههههه
لا والله امزح
طلع : : : : :
ههههههههههههههه
زي العسل دا بس داك على اكبر واعتقد والله اعلم انه يطيرر
موقف حللو هاا لا احد يضحك
هيي انت اسكت ولا حرف
<<<< ههههههههههههههه
مسكين مسكين هوو هوو
معليش اليوم مافي حركاات وتزيين وتصاميم
مررة مالي نفس ونفسي مسدودة
المهم وانا جالس ادور والفلف في المواقع اليوم حصلت شي
حصلت المسجد الاقصى من جوا دا فلاش يخليك جوا المسجد وتقدر تشوفه كلله
اضغطووا هنــــا http://www.visualdhikr.com/extra/aqsa_pano.htm
اموووت في الاررررانب مرة لزيزيين
وخاصة الي عيونهم حمررا..!؟
كنت اجري ورراهم انا وصغير لوول
نجي للموضوع الي وعدتكم فيه الي هوا حق الشباب زي ما قلنا اول وطبعا اكييد نبغى رأي البناات لانه مهم صرااحة <<<< يحب يسمع من الطرفين ومن دحين اقول الموضوع على فئات معين يعني كلامي مو على الكل وترى الصورة جلست خمس دقايق اسوي فيها يعني ياويلكم لو مااحصل رد على دا الموضوع يالله نبدأ بسم الله طبعا الشباب دي الاياام كل واحد وله طموحه وله احلامه واهدافه وصرراحة انا شايف انه مررة مافي مسؤلية من ناحية الشباب بشكل كبيرر والبناات طبعا بس الشباب اكترر .. يعني كل شي اخدينه لعب ورجه وخرجاات يعني مثلا انت انسان وعندك احلام .. بالله مستني مين علشان يحققلك هيا ترى المعجزات خلاص خلصت وما حتصيرر والوحي ما ينزل الا على الرسل صلى الله عليهم يعني لازم نصحى ونشوف نفسنا شوية .. ايش نبغى .. ايش في بالنا لازم نشجع بعض ونوقف جمب بعض في الحاجاات الكويسة الي تفيدنا مو طلعاات وهبقاات ( ماادري ايش معنى دي الكلمة خخ) وترقيم وهبالة بالله كيف ولد محترم زيك يجري ورى بنت ..؟ هوا صح في بناات يحبوا دا الشي ما انكر بس انت كيف ترضاها على نفسك انه وحده تلحقها من مكان لمكاان تكلمها جوال .. تصرف عليهاا .. دا كله مو هبل بالله .. ..؟ لو فلوسك زيادة يا بابا روح اديها لناس محتااجة مو تصرفها على بناات رخيصة ..!؟ ولو بنت عااجبتك اتقدملها واصرف عليها بالحلال مو بالحراام ..!؟
تهتم فيه يهتم فيها ويجيبوا عياال وينبسط في عيشتوا ولا ايش رايكم انتوا..؟ طيب مو لازم تكون نفسك كويس علشان تقدر تحقق دا الشي ولا هيا العروسة حتجيك وتقولك فينك يا فلان يالله تعال اخطبني ..؟ لازم تشتغل تجيب فلووس تكتسب خبرات تسوي وتعمل ترى مافي شي مستحيل والله وكلمة مستحيل موجودة بس في قاموس الاغبيااء مع احترامي للجميع حتقولي انت بس تتفلسف طيب خلينا نمشي حبة حبة ونشووف انت قد السؤلية ..؟ بالله لو صاحبك ادااك سيارته وخارج انت واصحاابك كيف حيكون تعاملك مع السيارة تفحيط واغااني ورجه ويمكن تصدم وتجروحها وتخربها بس لو كانت سيارتك .........!!!!!!!!!!؟ والله لو واحد قفل الباب ورزعه بقوة يمكن تقوله خدلك تكسي يا شيخ علشان انت خايف على السيارة ليش ..؟ لانك تعباان فيها دافع عليها تعبك اما سيارت صاحبك عاادي لو تنفجر انت مو خسران شي صاحبك الخسران لما تتزوج لازم تكوم مأسس نفسك كويس اهلك محتاجين اكل شرب ملابس مدارس ووووووووو...........الخ الفلووس حتجيك لوحدها...؟ طبعا لا لازم انت تتعب علشان تجيك خلينا نقول انك حبيت وحدة بنت طيب ..؟ وخلاص تبغى تتقدملها علشان لا تروح منك ..! طيب دي لما تتقدملها مو لازم فلووس..؟ ولا حتاخدها ببلاش ..؟ لاو الله يا حبيبي مهي كاسة نسكافيه تاخدها ببلاش اول شي حتسألك عنه ايش تشتغل .. ايش اهداافك .. كيف تفكيرك .. مين يصرف عليك بالله حتقولها بابا ...؟ ولا ماما ..؟ ولا حتقولها بابا بس انا جالس ادور على شغل ..؟ طبعا لازم تقولها انا... علشان تعرف انها متزوجة رجال يعرف يحميها وما يخليها محتاجة شي ترى اهلك مو دايمين لك بعد عمر طويل ان شاء الله .. يعني لازم تعتمد على نفسك وتفكر شوية بس اتعب دحين شويتيين وارتااح في الاخيرر خلي كل شي في يدك دحين شهاداات وعلم وفلووس والي تقدر عليه بعدين اقعد مرتااح وحط رجل على رجل والله مااحد حييكلمك .. بس لازم تضمن مستقبلك.. ولا اجل ليش عايش لاسمح الله احترق البيت وطار كل شي عندكم .. مين حيوقف مع ابوك وقتها .. حتقولي وقتها ادور على شغل طيب مو لو كنت تشتغل بدال السهر والكلام الفاضي كان دحين معاك كم قرش اديتها لابوك وساعدته ولا تحب انه الناس تعطف عليك وتديك صدقات ..؟ صراحة انا امووت ولا اخد صدقة من احد مو تكبر ولا غرور لا والله بس احسها مو حلووة في حقي او ما بدي احسس احد انه له فضل عليا الفضل كله لله وعلى الشغل صح الواحد الايام دي يتعب لين يحصل شغل والشركات ما ادري ايش تبغاا بس لو كان معاك شهادات وخبرات صدقني يدوروا عليك يعني بالمختصر شد حيلك في جملة كنت احبها وانا صغيرر ( من طلب العلا سهر الليالي ) يعني لازم تتعب علشان تحصل الي تبغااه وبدون تعب ما رح تاخد شي اعطيكم مثال حلوو لاعب الكورة = انت يعني لازم اللاعب يعدي كل اللاعبين علشان يوصل الهدف حقه للمرمى الي هوا يعتبر خط النهااية وبعد كدا خلاص ياخد الكأس الي هوا ثمن مجهوده وتعبه <<< حركات في التشبيه المهم ما حطول عليكم اكتر من كدا ولو انه في لسه كلام بس خليه لقداام وانتظر تعليقكم بنات وشباب
ايش كماان ياربي
ايوا معليش يمكن اغيب عنكم فترة بسبب الاختباراات
لانه لسه ما بدأت مدري ايش مستنين الله يهديهم ...!!؟
فلازم اشد حيلي شوية وشوية دعاوي من عندكم ليا مو عليا لووول
ولا تحرموني طلتكم الحوة دي
وانتظرووا الجديد
ديوو قوووووي ألبــــــك ههههههههههههههه اموت على العصير داا وخاصة لما يكون في قزاز مو في علبلة لووول بعدين احكيكم حكايتي معااه
سي يوو
SooN November 24 oOo تصاميم وحكاية حلووة oOo كيف الحال يا فضائيين ..؟
اعرف انكم مرة معصبين من الاختباراات
بس يالله نتعب شوية ونرتااح كتيرر لووول
فلسفة واحد ههههههه
 اليوم كنت حتكلم على موضوع للأولاد بس
بس قلت خليها المرة الجية
علشان يكون عندهم خبر يعني
والموضوع حجيبه محرج شوية لووول
يعني استنووه يا شباب
الموهم كيف الاختباراات طمنوني
حشوفكم السنة الجية ولالا
هههههههههههههههههههه
<<< يفاووول على النااس لوول
لا عن جد شدووا حيلكم وبلا لعب
وتضييع وقت .. ناس ماتجي الا بالعين الحمرا
ايوة صح ايش رايكم في الاسود والاحمر دا
ممنوع السرقة هاا عشان كدا حطيت اسمي عليه لوول
ودي رأيكم في تصاميم سويتها
دا اول واحد شكلو شوكولاته خخخخخخخ
اضغطوا على الصورة علشان يطلع
لالالالالا
اضغط كليك يمين واختار
open with new...
علشان لا تطلع من السبيس لوول
اسيبكم معااه
خخخخخ نسيت اقول ترى الكلماات مو مرة
يعني لا تتدققوا
 هــــا كيف بشرووني...؟
شكلوو ما عجبكم
طيب شوفوا دا
اكييد حيعجبكم
<<< واثق مررة
اضغطوا زي اول
كليك يمين ......الخ
 ها كيف بس ..؟
صراحة ماني عارف ايش اقووول
خخخخخخ يعني مررة الدنيا طفش وبررد واختباراات
يعني يمكن اغيب عنكم مدة علشان المزااكرة
ايوا صح صح حبيت اقولكم اني جددت شوية في القوائم
الي على الطرف حطيت اشعار رهيبة وشوية كلالام
واضفت ناس لزيزة في القائمة
وكمان امس وانا جالس الفلف في النت
حصلت سبيس حلوو
اسمو :: أحبـ ـاب المصطفـ ـى :: صلى الله عليه وسلم
اضغط كليك يمين واختار فتح في نافذة جديد
من جد جزاهم الله خيرر على السبيس الحلوو
طيب بعد ما خلصنا صور وكلام
اقولكم دا الشي والله صار من جد يعني مو بس كلام
مررة كان في ناس جالسة تصلي في مدخل بنااية طيب..؟
لين دحين حلوو الكلام
بس الامام كان يصلي في الاصنصيرر او المصعد او مدري ايش تسموه
<<<<<من الفضاء لووول
المهم يا حلوين لماا كانو يصلووا الامام سجد
وكلهم ورراه وواحد ولد صغير من فوق ضغط زر الاصنصير
طلع الاصنصير فوووق
ههههههههههههههههههههههههه
والناس ساجدة
ويستنوه يرفع ..؟
ومافي احد
ههههههههههههههههههههههه
لين جا واحد يبغا يصلي قام قلهم قومو قومو الامام شرد ههههههههههههههههه
ههههههههههههههههههههههه
والامام نزل من فوق ميت من الضحك
هههههههههههههههههههههه
مسكين وربي يصلي لوحده ومافي وراه احد
ههههههههههههههههههههههه
الله يرجه
احد يصلي في الاصنصير بالله..؟
هههههههههههههه
لا احد يسوويها خخخخخخخخخخخخخخخ
في واحد حلوو طلب مني بنر صح ..؟
انا اعطيتك واحد في الماسنجر يا دب
وداا التااني شوف الي يعجبك وحطه
ومعلش دا بالغلط سويته كبيرر
يارب يمشي معااك
 هــــــــــا كيف..؟
ان شاء الله يعجبك
خلاص طولت كتييييييييير عليكم اليوم
وان شاء الله يكون بلووق حلوو
مع اني احسه ممل لووول
يالله نستنى الـ
commente
منـــكـــم
  November 13 باااك بعد العيد السلام عليكم
كيف الحال يا وحششين
كل دي غيبة بالله .؟؟؟
ههههههههههههههه
والله معليش كنت مريض والجهاز كان خرباان والدنيا طفش وحاااااااااااااالة
بس من جد ليكم وحشـ ـ ـة على قد منتو وحشيـ ــن لوووول
كيف العيد معاكم..؟
الصراحة ما حسيت فيه مررة اليوم العاادي احسن منه !! بس الحمد لله على كل حال
كل واحد يقول ايش سووا وفين راح .. وفين سافر .. احب اسمع قصصكم خخخخخخخخ
بانتظاركم..
ولا تنسوا تصوموا 6 اياام من شهر شووال
والله فيها اجر كتييييييييييير
انا الحمد لله خلاص صمتهم وبس ..و
ودا تصميم رومنسي وراااايق واحلاا شي في الرومنسية
خخخخخخخخخخخخخخخ
اضغطوا على الصورة دي علشان تشووفووه
 ها كيف بس رومنسي مرررة صح ..؟
 ودي شوية تصاميم على الماشي يارب تعجبكم
   هاا كيف حلويين ولا ؟
بعدين الناس الي تدخل عندي جديدة او قديمة
نرى لو موضوع فاتكم عادي تقدروا تشاركوا فيه وحرد عليكم
لانه في ناس تحسب انه لو نزل بلوق جديد يعني القديم خلاص ماله دااعي
نو نو يا عيوني شارك في اي موضوع حتى لو كلهم مررة وحدة عاادي
وحرد عليك ان شاء الله لاني مااحب اطنش لووول
ايوا صح كماان نزلت صور جديدة الي هيا الرعب وشوية انيمي
شوفوها في الالبووم
وقريبا ان شاء الله ححط انـ ـاشيد وشوية بطاقاات شعرية
مممممممم ايوا كماان ابغى منكم تقولولي لو تبغوا شي
الي طلب مني اني اساعده في سبيسيه حاضر من عيوني والله
وكماان لو احد يبغى برنامج ولا اي حااجة يقول وانا ان شاء الله اجيبها في اقرب وقت
واي اقتراح او ملاحظة او شكوى او اي شي في باللك دا لو كان في شي خخخخخخخخخخخخخخ
قوله ارحب فيه بكل حلاوة خخخخخخخخ
واحب اشكر كل الي كتبولي كومنتااات لزيزة زيهم
ومن جد الله لا يحرمني طلتكم الحلووة
وبانتظاركم دائما وابدا
ريد بوول بيعطيك جوانيح
هههههههههههههه
سي ياا
 November 01 حزن وفرح ومنال وخلود خخخخخخخخخخخالسلام عليكم
كيف الحال
سوري على الانقطااع
::
 والله اني زعلان لانه رمضان حيخلص والناس حترجع تخرب تااني
<<<<< مايفاول خيرر
بكرة نشووف خخخخخخخخخ
وشي تااني يقهر ليا ساعة اكتب بلوووق طويل
ولا مدري الصفحة كيف انتقلت على صفحة تانية لوحدها ..!!!!!!!؟
وطار كل شي كتبته
وماعرفت اعيد الي كتتبته
المهم
دي الوردة لكم
  حبيت اقولكم
 وو على العيدية عاادي
خليها على ذوقكم
ما حتشرط دي المرة لووول
 October 27 +*+ oNly G!rL +*+
الساعة الان 11:44 صباحا الاخميس
السلام عليكم
اليوم البلووق بس للبنااات
كيف الخط بس انا كاتبه بيدي بالماوس خخخ المهم :: الموضوع محرج طبعـ ـ ـا وشكله مافي احد حيشارك
بس الأمل حلوو
دحين البنااات لما يجي احد يطلب يدهم
ليش ـهههههههههـ ليش في النظرة الشرعية يعني مررة صاحبي بيحكيني تخيلوووا الموقف بس وطبعا قال مو قصددوا .......الخ
دحين لو مثلا انتي : مبرروك على ايش ان شاء الله ..؟ ( طبعا دوبك صاحية وطايقة احد )؟ امك : اليوم كلمتني حرمة وقالت تبغاكي طبعا وجهك حيصير شكل تااني
انتي : طيب ايش تبغى الحرمة مني ( تسوي نفسك ما تدري تستهبلي ) امك : اكييد تبغاكي تكنسي حوش بيتهم انتي : يعني تبغى تخطبني ..؟( قمة البراءة ) خخخخ امك : طيب خلاص حقولها ما تبغي وارسله لبنت خالتك انتي : والله انك فلة يا ماما كنت امزح اشبك على طول تصدقي
ام العريس : الووو ( متحمسة طبعا ) وولدها شوية ويدخل في السمااعة علشان يسمع امك : الوووو ام العريس : كيف الحال ..؟ امك: والله الحمد لله بخير ما حطول عليكم ادخل في الموضوع على طول
ام العريس : هاا ايش صاار معاكم..؟ امك: موافقين ان شاء الله ام العريس : فرحتيني والله اجل خلاص الخميس نكون عندكم علشان ولدي يشوف العرووسة الحلووة
امك : اوكي ( امك متطورة ههههه )
طبعا انتي قلبك صار زي الفنبلة
طبعا العريس شوية وخلاص حيمووت امه بوووس طيب
السؤال هوا .....؟؟؟؟؟؟
ايش شعورك من يوم الاتنين
وكيف حيكون تفكيرك ..؟
وياريت الجواب يكون صريح وخليكم ايييزي يا عزيزي خخخخخ
يالله ودي صور سويتها من يومين
بنتظـ ـ ــاركم / \ / \
* .-'''-.,.-"'-. +
October 24 تصميم السلام عليكم
:
ههههههه يا كدااب
 يعني من جد وحشتك ..؟ كيف عيوني بس صرت خطير وما ادري هيهيهيهي بايخ
:
هادي صورتي انا وصغير لما كنت اشقر خخخخخخخخخ:
 كيف بس
عيب يوواد ما تستحي
نزل عيونكههههههههههههههههه
لالا مو على تحت قصدي خلاص خلاص روح بيتكم
اوريك عن مامتك تغازلني هاااا الصراحة اليوم ماني عارف ايش اكتبلكم
يعني ليا بالزبط 30 دقيقة افكر في شي وما عرفت ايش انزلفتحت الفوتوشوب وسويت دا التصميم
اضغطوا عليه علشان يكبرر
  ههههههههههههههههههه
لا احد يخاف بنوتاات تعالووا يؤؤؤؤؤ اختفوووالا من جد اضغطوا على الصرصور حيطلعلكم التصميم
ومعليش اتاخرت في البووق دا
بس عارفين رمضان ودراسة
الله يعين بس
اليوم مافي ضحك كتير
بس المرة الجية
بكرة يمكن انزلكم شي رهيب
بانتظار رأيكم
من
commente
هههههههههههههه
اعرف انك تعرف يا حلوو
اجل ليش ما تكتب؟؟
اكررره شي الي يدخل وما يكتب بس يسحب شغلات يعني اشياء لووول
المهم بدي رأيكم اغير الستااايل ولا لا
حستنى ارائكم
والي عنده اي اقتراح ولا شي يقووول
في اماان الله
 October 17 تم افتتاح الشات   السلام عليكم الساعة تشير الى
10:50 صباحا
اليوم الاثنين
اعلنت الأدارة المسؤلة عن السبيس
يعني انا شخصيـ ــا
 <<< يا فرحتك
قصيت شريط الافتتاح قبل نص ساعة خخخخ
 <<< مبرروك يا خوياا
 يعني الي ما حشـ ـ ـوفه جواا ياويله حفجـ ــره لووول
 وبدون احراجـ ـ ــاات
 احراجـ ــ ـ ـات ايش ...؟؟
 <<< مسطـ ـ ـل
بعدين الي كانت امس هنـ ـا ونسيت دي الله يرجها ناقصين اتهاماات احناا..؟
 اضغطوا على الصورة للدخوول
يا دب الصورة الي تحت مو الي فووق
   يالله ان شاء الله تنبسطوا معايا
نستقبل اقتراحاتكم وطلباتكم
من كومنت
 October 15 خرابيط لزيزة
:: السلام عليكم ::
:: .قررت انزل بلووق جديد
نزولا عند رغبااات الجمااهير الغفيرة ,, والرسائل الي على الايميل
ولا المسجات خخخخخ بلاش فضايح
خلالاص اوووس دحين ابدأ
:: كيف السميوساات معااكم نفسي في وحدة دحين انا وصايم حجلس اطالع فيها واغاازلها يمكن تحبني حقولها سمبوستي يا قرموتشتي انتي لزيزة ( في تنوين هنا ) وشهية ( هنا كمان تنوين ) ومحشوة اطرافك حاادة وشكلك مثلث زي قلبي احس انك قلبي لما ادوقك احس بطعم لزييز المشكلة ما اشبع منك ولا اطفش من شوفتك يا حياتي انتي لوووووووووول
<< واحد جيعاان
:: دي نكت على جري خخخخخ على الماشي قصدي
ليش الصعيدي ( بدون زعل ) لما يجي يستحمى ( يتروش يعني او يتسبح ) يحط دودة على راسه ..؟
لانه مكتوب على علبة الشامبو ضع الشامبو على راسك دقائق معدودة
هههههههاااااااي
::
هههههه دي تضحك
واحد احول ركب في الباص ( مكرو باص يعني ) قام تفل على السواق ورمى الفلوس من الشباك
هوا يحسب السواق برا الباص والشباك جوا / \ دي للي ما فهمها
::
دي اخر شي ,, علشان اقدر اكتبلكم المرات الجية
تفاحة قالت نكتة لعنقود عنب ,, قام فرط ( يعني اتفرفط لوووول ) ههههههههههاي
::
طيب دي الاخيرةة ههههه
في واحد سأل محشش انتو ليش كل ما احد يسألكم تجاوبوا بسؤال تاني ..؟ قام المحشش قلوا مين قلك ..؟
::
ليه الصعيدي لما يتكلم مع الاجانب يخلي عينه تحت الي جالس يكلمه ..؟
علشان يقرأ الترجمة خخخخخخخخخ
::
بس خلاص ايش هوا حلاوة
ههههه
في 100 صعيدي جالسين يدهنوا باص واحد ماسك الفرشاية و99 بيحركوا الباص هههههههه
::
لا من جد دي المرة خلاص
::
امس كنت جالس العب على الفوتوشوب
قمت لونت دي السيارة ,, ايش رايكم حلوة ولالا ...؟
قبل
قمت سويتها باللون الختشير دا
شو رايكم ..؟؟
بعد
حلوة .؟
كان بدي اهبطها واسويلها كدا هيدروليك بس بطلت علشان لا احد يحسدها لووول
:::
كمااانا سويت دا البنر لووول
كنت بدي اسويه متحرك بس عملتوا على الماشي كدا
كيف حلوو ؟
::
عرفتوا ايش سار معايا اليوم ؟؟؟
تابعوا الاحدااس خخخخخ
/ \ /
مررررررة سوررري يا قلبي
::
اليوم وانا باخد لفة في المواقع لقيت دي الصور
يارب تعجبكم
::
ايوااا صح نسيت اقولكم
اليوم شفاء اختي الصغيرة عارفينها طبعا الي كلمتكم عنها اول
قبل شوية قلتلها حقول لماما عليكي انك ما تسمعي الكلام
قلت : ماااامااا قالت شفاء : قالتلي قولها شفاء جننتني لووووول
قلتلها ايش قلتي ..؟
قالت: جنني حوش صحبك عني خخخخخخ
والله اني اموووت في الاولاد الصغاار
وخاصة دي الفصعونة اللزيزة
دي صورتها في بيت الجيران
يؤؤؤ ادن
يالله نشوفكم على خيرر
بانتزار راياتكم وكومنتاتكووم خخخخخ
سي ياا
October 12 دقيقتين من وقتك بس ما حتخسر شيالسلام عليكم
:
:
كيفكم يا شباب و بنات
كيف حال رمضان معاكم
:
:
الساعة دحين 7:25 صباحا
اليوم الاربعاء
:
:
ايش في عيد ميلاد يعني ..؟؟
:
:
لالا مو عيد ميلاد
:
:
ابغى اقول شي
:
:
والله انكم وحشتوووووووني
زماان عن السبيس الدب
يالله ابدأ..؟
:
:
:
قبل لا أبدأ
اتمنى من كل واحد يقرأ الكلام يشارك ويكتب كومنت تعليق يعني
لا تنسوا
:
:
امس كنت جالس اتفرج على برنامج على خطى الحبيب صلى الله عليه وسلم
:
:
لا احد يطلع من الموضوع بس لأنه ديني !!!؟
خليني اكمل بعدين قول كل الي في نفسك
سواء اقتراح او نقد
كله مسموح عندي
اهم شي لا تجامل وتضحك على نفسك
:
:
المهم
ايش رايكم لو كان في واحد اسمه ( الموت ) ؟؟
يعني انسان اسمه موت ؟؟
حلو ؟
الولد هادا
قابلك يوم من الايام
طيب ؟
وقالك : يا فلان انا اسمي الموت
انت طبعا حتموووت من الخووف
ووجهك حيصير الوان طبيبعية
:
:
الموت جا وقلك
يا انسان انا اليوم حجي أخد روحك
ايش حتقوله ؟؟
حتقوله اتفضل خدها.؟
اكيييد ما حتقول اتفضل خدها
حتقوله لسه ما سويت شي كويس
سؤال يا حلوو
احد قالك لا تسوي شي كويس ..؟؟
احد قالك ضيع وقتك في الكلام الفاضي ..؟
احد قلك كل يوم قول بكرة اتوب وبكرة اعمل..؟
احد قلك لا تصلي ولا تقرأ قران ..؟
احد قلك روح رقم البنت هادي واضحك على هادي ..؟
طبعا حافظين الجواب
الي هوا
لا ما احد قالي
طيب ؟
ليش ما سويت كل الاشياء الكويسة من اول ؟؟
ليش دحين لما جيتك صرت تبغى تسويها ..؟؟
دحين صحيت ..؟
دحين عرفت انك كنت غافل ..؟
معليش يا حبيبي انت أتأخرت
خلاص راحت عليك
:
:
ايش شعوركم بالله ..؟؟
عادي ؟
جالس اتفلسف انا ؟
احنا نمزح اوقات
ونلعب اوقات
ونسوي كل شي نبغااه
بس هل يوم من الايام اتصدقنا على واحد محتاج ..؟
انتوا تعرفوا انه الصدقة ما تموت ..؟
يعني لو انت ميت حسناتك شغالة ما توقف لانك اتصدقت
ليش دائما ربنا اخر شي..؟
 لا احد يستغرب ما كتبت شي غلط
مو ربنا اخر شي دائما ؟؟
اقلك كيف..؟
:
شوف يا سيدي
دحين انت اول ما تصحى من النوم
نصحى
نروح الجامعة او المدرسة او العمل
نرجع
ناكل
ننام
نسهر
نتفرج
خرجات
سفر
فين ربنا؟؟
اخر شي صح ؟
طيب ما علينا
احد فينا مسك القران قبل رمضان ؟؟
طبعا لا الا من رحم ربي
ليش طيب ؟
:
:
الله حق رمضان غير الله حق باقي الاشهر ؟؟؟
طبعا كلنا حنقول لا
طيب ايش السبب يعني ؟؟
ليش كدا بنسوي؟
ليش ما نعبد ربنا كل الاشهر
ونخليها زي رمضان
شوفوا
احنا مجانين من جد
كلنا نعرف كيف ناخد الحسنات صح
وكلنا نعرف كيف نسوي الخير صح ؟
بس ما بنسويه .!!!!؟
متخلفين
::::::
نفسي اعرف ليش ما بنسوي شي ..؟
نعرف الغلط ونعرف الصح
نقوم نختار الغلط
ليش دائما كدا ؟؟؟؟
زي واحد اهبل قالوله اختار مسدس من المسدسين الي قداامك
وقالوله المسدس الي لونه احمر لو اخترته حتموت لانه فيه رصاصة
والمسدس الاسود لو اخترته ما حتموت وحتعيش حياتك مبسوط وفرحان
قام قال خلاص اختار المسدس الاحمر
غبي صح ؟؟
اكيد انت قلت في نفسك انه غبي
طيب
انتا مو زيه دحين ؟؟
انت بتقلده
اقولك مثلا
الاغاني ( المسدس الاحمر ) لو سمعتها حتاخد سيئاات وبدون فائدة
القرأن ( المسدس الاسود ) لو سمعته حتاخد حسنات وحتستفيد
ايش حتختار؟
اكيد القران
بس حتختاره وتحطه على جمب
وحتسمع اغااني
صح كلامي؟
لا احد يقول لا
لانه صح
يارب كلنا نصحى من غفلتنا
وننتبه على نفسنا كويس
الموت حيجي فجأة لا تنسوا
البنات الي بيحطوا عطورات وقت الخرجة ترى انتي زانية
طبعا مافي وحدة تحب ينقال عليها كدا
بس الرسول عليه الصلاة والسلام قال كدا
الي تخرج من بيتها وريحة العطر طالعة والرجال شمو ريحتها فهيا زانية
كل وحدة وتربيتها
الاولاد برضو لابسين نضارات شمسية في الليل؟؟؟؟؟؟؟
ايش التخلف دا
خايف على عيونك من النور يا قلبي ؟
ولا موضة
على قولة واحد حمار
حمار عادي شاف حمار وحشي
قام تاني يوم راح حط خطوط سوده زي الحمار الوحشي
قالوله ليش سويت كدا
قال ماادري موضة
حمار ما عليه كلام
في احد يحب يكون حما ر؟؟؟
طبعا لا
اجل لا تقلد شي ماله فايدة يا حلوو
ولا الي ينزلوا البنطلوناات
!!!!!
ماشاء الله التخلف عندنا يتفننو فيه
يا حلو لو مررة قصير البنطلون وجالس تنزله علشان لا يبان ياريت تشتري واحد طويل
ولو جالس تورينا سروالك
ايش رايك تخرج من غير بنطلوون
احلى
وحتلاقي كل الناس تطالع عليك
يعني مافي داعي انت تدورلك على احد
كلو حيطالع فيك
ايش شعورك لو واحد جا وسحبلك البنطلوون ؟؟
حتصير مسخرة للمكان كله صح ؟
ووجهك حيصير احمرر
وانواااااااااااع الاحراج
ليش تحط نفسك في مواقف بايخة زي وجهك؟؟
الحلاوة فن مو تقليد
يا تقلد في شي كويس
يا اما لا تقلد احسن
وفي النهاية الله يهدينا جميعا
ويتقبل مننا رمضان
بس خلاص شكلي اتكلمت كتييييير
وطولت عليكم
ابغى رأيكم وتعليقكم بكل أماانة
ورمضان كريم عليا وعليكم
ومعليش كنت قاطع عنكم شويتيين
بس خلاص من اليوم جالس على قلبك انت وهيا وهوا وهيا
::::::::::
October 06 oOo تصميمـ حلووو oOo السلام عليكم
كيف حالكم مع رمضاان ..؟
:
:
اخيرراا
اتعلمت على الحركة دي
مع انها سهلة بس ما كنت اسويها كويس
:
:
 سويت تصميم يعني هوا بنر
شكلكم شفتوه فوق يا غشاشين
كان لازم تتصفحوا السبيس من تحت هههه
المهم اسيبكم معاه
:
مع التصميم يعني
:
 حلو ؟
مو حلو؟
 طعم
مو طعم؟
لزيز
ولا مو لزيز
عسل
ولا مو عسل ؟
خلاص
ولا مو خلاص
خلاص
هههههههههههههههههههههههههه
<<<<< الي يسمع يقول التصميم حلوو انتا ووجهك
ما حرد عليك ياخي والله الغيرة تقتل لووووول>>>>>
^ـــ^
يالله بانتظار رأيكم
من كومنت
:
:
 سي ياا
October 03 ايش رأيكم انتوا ؟؟ السلام عليكم
:
كيفكم اليوم ..؟
ان شاء الله بخير وطيبين
 :
استعديتوا لرمضان اكييد طبعا صح ..؟
بس في شي ما سويتووه
عرفتوا ايش هوا ..؟
 مممم طيب حقولكم عليه
اول شي حقولكم على شي صار معايا أمس
:
امس انا ورايح على المطار بالتكسي ( في القاهرة) ..الرجال كان مشغل اغاني
اغاني مررة غبية
:
قلتله بالله ممكن تطفيه لو سمحت راسي مصدع
:
قلي حاضر
ووطى الصوت
 واحنا ماشيين
حيييييييييييييييييييط
 انا كنت خلاص يعني شوية وانام
بسس لما سمعت الصوت
قمت زي المجنون
قلتله ايش فييييييييييييييييي ؟؟؟؟
قلي ولا حاجة بس دا ضرب فرامل جامد قدامي
قلتله
وانت ليش مسرع ؟؟؟
وليش مشغل الاغاني ؟؟
 مو قلتلك طفيها ؟؟
يعني لو مت انا دحين
حأموت في حادث
اوكي ما قلنا شي قضاء وضدر
اما اموت وانا اسمع اغااني
 قلتله وقف هنا
قلي ليش ؟؟
 قلتله بس خلاص بطلت اروح
قلي ليه يا عم
قلتله ايش الي ليش
لما اموت
واتعذب علشان حضرتك وقتها اقولك ليش
قلتله رمضان جي
قلي
طيب ؟؟
قلتله الناس تستعد له
مو تشغل اغااني وزي وجهك كماان
قلي احترم نفسك
قلتله طيب طيب
نزلت ورحت ركبت تكسي تاني
والاخ مشغل اغااني
قلتله انتوا في مصر كل شي عندكم اغااني..؟
قال ليه انت من فين
قلتله لا اطمن مو من عندكم
قلي ليش اشبنا احنا
قلتله شعب فاضي
 قال : نعم ؟
قلتله ما سمعت ؟
قال : لا عيد تاني
قلتله طيب
شعب فاااااااااااااااااااااااااااضي
سمعت ؟
قال انزل من السيارة
قلتله طيب وقف
قلي لا زي منتا كدا
قلتله طيب
فتحت الباب
ولا الاقيه حيييييييييييييييييييييييط
قلتله ليش وقفت ؟
قلي صاحي انت ؟
قلتله ايش شايف؟
قلي خلاص امزح معااك
قلتله طيب
قلي ليش شعب فاضي
قلتله كل ما كلمت واحد
يجي يقولي انت ماللك وانت ايش دخلك
قلي طيب ايش فيها ؟؟
قلتله لو انت مت تحب تموت كويس ولا تموت وانت بترقص؟
قلي اموت وانا كويس
قلتله يعني ما تحب تموت انت وتسمع اغااني؟؟؟
قلي لا
قلتله ؟ اكيييييييييييييد ؟
قلي ايوة
قلتله طيب طفي المسجل
قلي ليش حموت دحين ؟؟
قلتله ياريت ادري
ولا ماكان قلتلك
قلي طيب
شوية وحط على قران
:
:
عرفتوا عن ايش ابغا اتكلم ؟؟
عن الاغااني
بالله احد يرضى انه يموت يسمع اغااني؟؟؟
طبعا حافظين الجواب الي هو .. لا.. ؟
طيب ليش نسمعها ؟؟
طفش ؟
ولا تسلية ؟
ولا رقص؟؟
ولا ايش ؟؟
القران قال لا تاكلو الخنزير صح ؟
والحمد لله ما احد بياكل الا الاغبياء من المسلمين
طيب
القران قال لا تسمعوا اغااني صح ؟
روى البخاري في صحيحه عن النبي _ صلى الله عليه وسلم _ انه قال
( ليكونن في امتي اقوام يستحلون الحر والحرير والخمر والمعازف ) .
والمعازف هي الالات اللهو بجميع انواعها
قال تعالى:
(وما كان لمؤمن ولا مؤمنة اذا قصى الله ورسوله امرا ان يكون لهم الخيرة من امرهم ومن يعص الله ورسوله فقد ضل ضللا مبينا )
ايش رايكم ؟؟؟
طيب ما اقتنعتوا؟؟
لو الاغاني مو حررام على قولة بعض الناس
ليش القران ما نزل ملحن ؟؟
ليش حرام تلحين القران ؟؟
ليش لازم الخشوع في القران ؟؟
لانه الاغاني والالحاان حرااااااااااااااام
الاغاني والله تخرب الانسان
من جد
لما واحد يحب على سبيل المثال طيب ؟
لما يزعل
يجلس زي الاهبل يحط اغااني رحيل وحزن وحب ويصير في عالم تااني
صح كلامي ولالا
حبيبتي سافرة
حجلس ابكي واحط اشوفك وين يا مهاجر ولا يا مسافر
ولا احط دواام الحال من المحال ؟؟
ايش الهبل دا ؟
مو هبل ؟
طيب ايش الفايدة ؟؟
ارتحت يا قلبي ؟
ريحتك الاغاني ؟
حسيت نفسك احسن ؟؟
صارت سيئاتك كتيرر ؟
حسناتك صارت قليل؟؟
عصيت رسول الله ؟؟
ما سمعت كلام ربك ؟؟
هذا الي استفدته ؟؟
لا من جد شاطرر
حبيتك تصدق؟
على الصباح اغااني
في العصر اغاني
في الليل اغااني
انام اغاني اصحى اغاني
ادخل حمام برضو حاطين اغااني !!!!؟
والله مررة كتييير مراكز كدا
قلك رومنسيين
الحمام الله يكرمكم محل لقضاء الحاجة مو داخل احب وحدة ولا داخل ارقص انا؟؟
قلك على اساس فخم ومدري ايش
والله حسرة علينا
انا من انا وصغير والحمد لله كلوو انااشيد
لييين سنة تانية اعداادي
واحد الله لا يبارك فيه
صاحبي في المدرسة كان صايع
كنا نخرج مع بعض وكدا
فكان كل شي اغااني وهبل
ولما تنسحه يعصب ومدري ايش علشان ايش علشان يسوي انه على حق
لما يصرخ يعني على حق ؟؟
اهبل
المهم سنة اولى ثانوي بطلت اغااني وخلاص رجعت زي اول
تاني ثانوي
صاروا يجيبو مسجلات على المدرسة !!!؟
وربي مدرستنا كانت فلللللللللللللللتة
وعلى فكرة دحين هيا مقفلة ماسكين فيها ناس ومخدرات وحشيش
دي في الامارات
ودحين خلاص ما صرت اسمع كتير جالس ابطل
يعني اغنية في الاسبوع بس
وصدفة يعني
كلوو انااشيد
والله مررة رهيبة
اليوم سمعت انشودة من جد دمعة عليها
وسميته
ابكاني هذا النشيد كثيرا
 اضغطوا على الصورة
 :
:
كيف الانشودة بعد ما سمعتها ؟؟
كلامه يحزن صح ؟؟
بس دي حالنا والله
كيف كنا اول
وكيف صرنا دحين
اول ندور على الحسنااات
دحين بالعكس ندور على الاغاني وعلى الصور الا من رحم ربي
انا ما كتبت دا علشان اعااند ولا ادخل ولا اتفلسف
بس تذكير
ان الذكرى تنفع المؤمنين
وكمان الي حاطين اغااني في السبيسات حقتهم ؟؟؟
نتلكم ننصح
بس لا حياة لمن تناادي
مسويين رومنسيين وحركاات
الله كريم ويهدي الجميع
بس يارب يلحقوووا بس قبل فوات الاواان
اسف على الاطالة
:
ولا تنسوا رمضان على الابوااب
حاولوا تدعو لنفسكم بالهداية
وحاولوا انكم ما تسمعوا اغااني
يمكن ربنا يهديكم ما ندري
بانتظار مشاركاتكم
من
comment
وكل عام وانتم بخير
 October 02 OoO همـ OoO منـ تكونينـ ..؟
وخالقي لقد أتعبتي قلبي دوما أراه حزيناً حاول أن ينساك ولكن في كل مرة يشد رحاله إليك من جديد لماذا أراه يتبعك وأنت تغرقيه . . أهذا هو الحبـ ؟ ألم وجراح ودموع..؟ هذا الذي قيل عنه الفرح ..؟ أحببتها فماذا بعد؟؟! أرأيت يا قلبي أشاهدت يا عقلي أعذبتي يا نفسي قلت لا للحب بس ربي خلق العناد فمن يقوى عليه . . أنا في كل مرة أكرر لا للحب فليذهب الحب للجحيم دعوه يريح مع أمانيه وعشاقه . . ولكن أي سراب هذا الذي أتحدث إليه
أراك يا قلبي في حالة عذاب لماذا الحزين .. دموعك وحزنك لك ودع الحب يذهب إلى ما أختار دموعك ملكك تذرفها لحالتك ولكن الحب دعه يرحل أحزن على نفسك على حالك يا قلبي من لك غير نفسك وانا من لي غيرك لاتزعل لا تدمع افرح ابتسم رحب بالأمل ربك معك مهما حصل لا تنساه صابر عليك ينتظر عودتك ينتظر دعائك ربك يحبك عود له ابكي له ابكي فأنت اقترفت الذنب اشكي لربك ادعي لحبيبك ربك يحبك ما عذبك أتنظر توبتك منحك فرصة وأنت عصيته وأعطاك الفرص وأنت عصيته ماذا بعد ربك كريم يمهل بس لا يهمل ودع الحب وشد رحالك خلف رضوان ربك كون مسامح لا تكون جارح من لك غير ربك ..؟ من لك غير الذي خلقك ..؟ من لك وقت ضيقك ..؟ وقت ندمك...؟ وقت ضياعك..؟ من معك غيره ..؟ دائما معك في كل مكان في كل زمان انت تنام هوا لا يناام ينتظرك تهتدي وتذرفي الدموع له ليعطيك ما تتمنى ليسامحك . . الرحمه
النعيم الجنه الحور العين كل هذا لمن أنسي يا روحي على نفسك لا تقسي فورب النعيم هذه دنيا زائلة ناس نحبهم ويموتون ناس نحبهم ويرحلون ناس نحبهم ويخونون ناس نحبهم ويهجرون والله يا قلبي مالهم نفع ولا فأده لك بنفسك لك بعملك أجعل لمن ركنك في زاوية الحياة ركن في زاوية نسيانك والذي يذكرك احفر لذكراه مكان لا يطأه النسيان يوم الموت سيرحلون جميعهم لا اهلك ولا مالك ولا أطفالك ولا أحبابك ولا أصحابك نفسك نفسك نفسك لا تذرف دموعك يا قلبي فلا يكفي أني أحببتك
فمن سيعطف عليك يا قلبي غيري : بقلمـيـ oOo محاولات قتل امراءة لا تقتل oOo      :
محاولات قتل امراءة لا تقتل
وعدتكي أن لا احبكي ثم أمام القرار الكبير جبنت وعدتكي أن لا أعود ..... وعدت وان لا أموت اشتياقا .... ومت وعدت مرارا وقررت أن استقيل مرارا ولا أتذكر أني .... استقلت وعدت بأشياء اكبر مني فماذا غدا ستقول الجرائد عني أكيدا ستكتب أني جننت أكيدا ستكتب أني انتحرت وعدتكي أن لا أكون ضعيفاً وكنت وان لا أقول بعينيك شعراً وقلت وعدت بالا وألا وألا وحين اكتشفت غبائي ضحكت وعدتكي أن لا أبالي بشعرك حين يمر أمامي وحين تدفق كالليل فوق الرصيف صرخت وعدتكي أن أتجاهل عيناكي مهما دعاني الحنين وحين رائيتهما تمطراني نجوماً شهقت وعدتكي أن لا اوجه أي رسالة حب اليكي ولكنني رغم انفي كتبت وعدتكي أن لا أكون في أي مكاناً تكونين فيه وحين عرفت انك مدعوة للعشاء ذهبت وعدتكي ألا احبك كيف .. وأين .. وفي أي يوم وعدت لقد كنت اكذب من شدة الصدق والحمد الله أني كذبت وعدت بكل برود وبكل غبائي بإحراق كل الجسور ورائي وقررت بالسر قتل جميع النسائي وأعلنت حربي عليكي وحين رئيت يديكي المسالمتين اختجلت وعدت بالا وألا وألا وكانت جميع وعودي دخانا وبعثرته في الهوائي وعدتكي أن لا أتلفن ليلاً وان لا أفكر فيكي حين تمرضين وان لا أخاف عليك وان لا اقدم وردا وتلفنت ليلا على الرغم مني وأرسلت وردا على الرغم مني وعدت بالا وألا وألا وحين اكتشفت غبائي ضحكت وعدت بذبحك خمسين مرة وحين رائيت الدماء تغطي ثيابي تأكد أني الذي قد ذبحت فلا تأخذيني على محمل الجدي مهما غضبت ومهما فعلت ومهما اشتعلت ومهما انطفأت لقد كنت اكذب من شدة الصدق والحمد الله أني كذبت وعدتكي أن احسم الأمر فورا وحين رائيت الدموع تهر هر من مقلتيكي ارتبكت وحين رئيت الحقائب في الأرض أدركت انك لا تقتلين بهذه السهولة فأنتي البلاد وأنت القبيلة وأنتي القصيدة قبل التكون أنتي الدفاتر أنتي المشاوير أنتي الطفولة وعدت بإلغاء عينيكي من دفتر الذكريات ولم اكن اعلم أني سألغي حياتي ولم اكن اعلم انكي رغم الخلاف الصغير انا وأني أنتي وعدتكي أن لا احبكي ياللحماقه ماذا بنفسي فعلت لقد كنت اكذب من شدة الصدق والحمد الله أني كذبت وعدت بان لا أكون هنا بعد خمسه دقائق ولكن إلى أين اذهب إن الشوارع مغسولة بالمطر إلى أين ادخل إن مقاهي المدينة مسكونه بالضجر إلى أين أبحر وحدي وأنتي البحار وأنتي السفر فهل ممكن أن أظل لعشر دقائق أخرى لحين انقطاع المطر أكيد أني سأرحل بعد رحيل الغيوم وبعد هدوء الرياح والا سأنزل ضيف عليكي إلى أن يجيء الصباح وعدتكي أن لا احبكي مثل المجانين في المرة الثانية وان لا أهاجم مثل العصافير أشجار تفاحك العالية وان لا أمشط شعرك حين تنامين يا قطتي الغالية وعدتكي أن لا أضيع بقيه عقلي إذا ما سقطتي على جسدي نجمه حافية وعدت بكبح جماح جنوني ويسعدني باني لا أزل شديد التطرف حين احب تمام كما كنت في السنة الماضية وعدتكي أن لا أخبئ وجهي بغابات شعرك طيلة عام وان لا أصيد المحار على رمل عينيك طيلة عام فكيف أقول كلاماً سخيفاً كهذا الكلام وعيناكي داري ودار السلام وكيف سمحت لنفسي بجرح شعور الرخام وبيني وبينك خبزا وملكاً وسكب نبيذا وشدو حمام وأنت البداية في كل شيء ومسك الختام وعدتكي أن لا أعود ..... وعدت وان لا أموت اشتياقا .... ومت وعدت بأشياء اكبر مني فماذا بنفسي فعلت لقد كنت اكذب من شدة الصدق والحمد الله أني كذبت :
نزار قباني
مرررة عجبتني وحبيتـ تشاركونيـ رأيكم فيها
:
:
commente to write any thing
:
  October 01 Oo ارحل oOOoO الطفش وحالااته لووول oOoعن عن بييييييييييييييييييييييب
ـــــــــــــــــــــــــــــــــــــــــــــــــــــــــــــــــــــــــــــــ
مرة مدرس يسأل طلابه
ـــــــــــــــــــــــــــــــــــــــــــــــــ
ترى امس كنت ماشي خخخخخخخخخخخخخخخخ زي كل يوم مشيت وراهم : ليييييييين وصلوا مكان
وفجأة ما قدرة اشوف اي شي
لانه الفتحة صغيرررررررررة
: :
والله الواحد من كتر الطفش يكتب بلالاوي
ترى اول حكاية حقت الفأر الشجاع من خيالي
يالله نراكم على خير
: :
|
|
|
