oOo KING 911 oOo

في ذمة الله

Wed, 15 Mar 2006 00:02:37 GMT

السلام عليكم ورحمة الله وبركااته

اليوم

14-3-2006

14 / 2 / 1427هـ

يا ودود يا ودود، ياذا العرش المجيد، يا مبدئ يا معيد، يا فعالا لما يريد،

أسألك بنور وجهك الذي ملأ أركان عرشك،

وأسألك بقدرتك التي قدرت بها على جميع خلقك،

وأسألك برحمتك التي وسعت كل شيء، لا إله إلا أنت

اسألك ان تغفر لها وترحمها وتسكنها فسيح جناتك

وتنور لها في قبرها وتحشرها يوم القيامة مع الصدقين والشهداء والانبياء

برحمتك يأرحم الراحمين ولجميع المسلمين الاحياء منهم والاموات

April 26, 1987

تم التعديل :)

اللهم ارحمها برحمتك يا كريم

من لها سواك يارب ..!

:
:

انتظروني قريبـ ـا

s
o
r
r
y
::
وشكررا لكل الي كتبو لي كومنت ..
الله لا يحرمني منكم يارب

تصميمين + الدنمارك + الستايل

Tue, 07 Feb 2006 00:18:58 GMT

الاثنين

11:33

6\2\2006

السلام عليكم

كيف حالكم ..؟

ان شاء الله بخير..؟

لكم وحشـــــــــــــــــــه بـ عدد حباات الرمل

I miss u all

زمـــان عن السبيسـ او بالأصح عن البلوقـــات

سوريـ على التقصير بس والله كانتـ نفسيتيـ مررة حلوة ( زفت يعني ) والله يسامح الي كان السبب

ان شاء الله يكون مبسوط دحين

^.^

كله ولا زعلك خلي الزعل لي انا بس

لاني احسن منــكـ

وبالتوفيق في حياتك حبيبي

نرجعـ للحلوين

كيف الاجازة معاكم..؟

لا تقولوا ( زفت ) عشان المعدلات ما جات حلوة عند نااس كتير صح ..؟

يالله الحمد لله على كل حال سويتوا الي عليكم والمره الجية ان شاء الله

تشدو حيلكم اكترر .. ويالله دحين استمتعوا بالأجازة قد ما تقدروا وبلا دراسة لاهم

يالله بسم الله نبدأ

^ــ^

أول شي كيف الستاايل الجديد ..؟

ان شاء الله عجبكم ..؟

ولا الأول أحلى ..؟

انا صراحة أموـوـوـوت في اللون الأسود

ويارب يعجبكم

استنى رأيك

أخرر خبرر عبااد البقرر صاارو يتفلسفو

دا الي كان ناقصنا لأنو

والاحلى من كل دا بعد ما سوو الي يبغووه يقولوا ( اسف ) اااخ بس

انا طول عمري اقــــول مين دا الغبي الي اخترع كلمة أسف وما خلى معاها كف ولا حااجة كدا

زي مررة واحد قتل واحد بعدين راح عند اهلوو وقلهم اسف بالغلط ..!!!؟

ما لقيتوا الا رسول الله صلى الله عليه وسلم ..؟

ما لقيتوا الا رسول البشريه كلها..؟

وربي قهــر انو مانقدر نسوي غير الاضرااب بس

لين دحين ماشفت حاكم عري اتكلم

كل واحد حاطط ـــ في فمو وسااكت

وبعدين باقي شي وااحد

اتقبل اسفهم ولالا ..؟

اكيد لا وان شاء الله يفضل لا

لانو حقووننا بكلمتين من امريكا يخلوها ايوا اتقبل الاسف

لون اسود عشان لو واحد فيهم دحل يشووف لوول

<<<< واحد حيتسفر اليوم

هه حســرة على قولة واحد غالي

المهم شوفتوا فوق الرجال كيف طلع وتعب وحطلكم لوحة كبيرة

فـ ياريت تسووا الي مكتوب عليها

لاني مسويه وبقوه كمــان

وحقون السن تووب بالذات لوول

ربي يشل يده دا الرسام ابن الرسامه

شكلها امه كانت ترسم على حفاضته لوول

نفسي احش فيه ليه بكره

بس ما حنزل لمستوااه

يالله الله على الظالم

أوكي دا تصميم اليوم عملته

اضغطو

shift +كليك شمال من الماوس

عشان تفتح في صفحة جديدة

::1::

ان شاء الله يعجبكم يارب

ودا التصميم التااني

::2::

برضو ما نستغني عن رأيكم

^ــ*

وهذا تصميم لواحد صاحبي حبيب ألبي المميز

::3::

موضوع عجبني وحبيت انكم تشاركوني فيه

ضـ ـع الكـ ـاس وارتـ ـاح قليـ ـلا

في يوم من الأيام كان في محاضر يلقي محاضرة عن التحكم بضغوط وأعباء الحياة لطلابه
فرفع كأسا من الماء وسأل المستمعين

ما هو في اعتقادكم وزن هذا الكأس من الماء...؟

الإجابات كانت تتراوح بين 50 جم إلى 500 جم.
!!.. فأجاب المحاضر : لا يهم الوزن المطلق لهذا الكأس

فالوزن هنا يعتمد على المدة التي أظل ممسكا فيها هذا الكأس

فلو رفعته لمدة دقيقة لن يحدث شيء

ولو حملته لمدة ساعة فسأشعر بألم في يدي

ولكن لو حملته لمدة يوم فستستدعون سيارة إسعاف

الكأس له نفس الوزن تماما، ولكن كلما طالت مدة حملي له كلما زاد وزنه.

فلو حملنا مشاكلنا وأعباء حياتنا في جميع الأوقات فسيأتي الوقت الذي

لن نستطيع فيه المواصلة، فالأعباء سيتزايد ثقلها.

فما يجب علينا فعله

هو أن نضع الكأس ونرتاح قليلا قبل أن نرفعه مرة أخرى.
فيجب علينا أن نضع أعبائنا بين الحين والأخر لنتمكن من إعادة النشاط ومواصلة حملها مرة أخرى.

فعندما تعود من العمل يجب أن تضع أعباء ومشاكل العمل ولا تأخذها معك إلى البيت.

لأنها ستكون بانتظارك غدا وتستطيع حملها

ارتاح

خد وقتك

لا تتسرع

بس لا تستعجل وتندم طول عمرك

:: قبل لا انسى قريت دا وحبيت انشره ::

يامسلمين في كل مكان فقد اتفقت الأمة العربية على صيام يوم الخميس القادام اعتصاماً لرسلونا الحبيب

فليكن دعائك عن الإفطار : اللهم إن نبيك يهان ويستخف به فأرهم عجائب قدرتك !

نجيـ للأمورين

لو فاكرين الأخت لحظة غرام الي سويت معاها بلوق

سبيسها الاولاني بطل يفتح لانه بس يعلق وطبعا مو بس هيا

في كتيررررررر سبيسات كدا المهم سبيسهافوق في بداية الصفحة

اتمنى تزوروا سبيسها الجديد

او من هنــــــــــا

وكمــــــان

سبيس الاخت

( pink )

انسرق

بينك لو دخلتي تاني ارسليلي ايميلك على الخاص عشان نعملك سبيس جديد

^ــ^

مهــــــــــاوي

ترى لين دحين استنى رد ما حصلت شي لوول

بانتظارك

واي واحد اتقفل سبيسه ولا مايفتح

ترى من عيوني اسويله

واستنى ردودكم من

Add a comment

يالله يا حلووين اشوفكم على خيرر

موضوع مشترك بيني وبين الاخت لحظه غرام

Mon, 09 Jan 2006 03:34:00 GMT

السلام عليكم ورحمه الله وبركاته

كيفكم يا وحشيين ..؟

اعرف وحشتكم وانتوا الاكثرر والله

زمان ما نزلتوا بلوق اشبكم كدا خخخخخخ

معليش كان في ظروف وماقدرت انزل شي والله

وان شاء الله اتواصل معاكم من اليوم ورايح

أوكي موضوعنا اليوم مختلف شوية صغيره
عن كل مرره واعتقد الناس حتقلد الحركه

<< مرررة واثق

البلوق مشترك بيني وبين الأخت لحظهـ غرام

يعني المحتويات الي في البلوق احنا الاتنين سويناها

مو واحد لوحدو

وهوا عباره عن

( تصاميم - صور - خواطر - موضوع )

المهم ,,

في البداية .. هذا سبيس الاخت لحظه .. اتمنى تشرفوها

الزيارة وتحطو هناك كومنت وتعليقكم على سبيسها

http://spaces.msn.com/members/mesa01987/

وان شاء الله تعجبكم دي الحركه

عشان نعيدها كل يوم خخخخخخخخخخ

حلاوة هيا .. ؟

يالله نبدأ بسم الله

فقـــــــــــــير

قصيدة رائعة .. للشاعر عبد الرحمن بن مساعد

احببت ان اضعها لكم (كلاما - صوتا ) حتى تشاهدوا روعتها

وهذا تصميم بسيط لبعض من كلمات الشاعر

اتمنى ان تنال على رضاكم

الكلمـــات

فقير وعندي المال الكثير
فقير وملبسي غالي حرير
ويا صاحبي الحافي الفقير
ابنشدك ابسألك وشهو الحصير !!
وابسألك وشلون انا امر وانهي
واذا حكيت قبل انتهي من كلمتي
يقاللي سم ويصير
ولاشكيت من غفلتي طوّل زمنها
يقاللي لاتشتكي .. ماخلقت الشكوى لأمير
وابسألك وشلون انا مع كل ذا .. اقول عن نفسي فقير ؟؟؟
ياصاحبي لاصار للضحكه ثمن
وصاروا اصحابي كثير بس بثمن
والوفاء مابه وفاء الا بثمن
ابسألك ماني فقير ؟؟؟
ولاصارت اقوالي حكم
ولاقالها غيري غدت حكيٍ قديم
ابسألك ماني فقير؟؟
ولاصرت انا مانيب انا
ولاغلطت قالوا صحيح .. وكل شي اعمله يصبح عظيم
ابسألك ياصاحبي ماني فقير؟
وياصاحبي ابنشدك لامن جفتني دنيتي
وابتدأ الدرب الطويل اللى ابد ماينتهي
وانتهي العز القديم وماكنت اظنه ينتهي
والموت بدد فرحتي .. وحطوني في قبر ٍ صغير
وحزنوا علي .. وبكوا هلي وناس من ربعي قليل
وارتاح من وجهي كثير
وبقيت وحدي في حيرتي مابه احد
لا طال عمرك ولا تحت امرك
ماغير انا وخوف ولحد وحساب قدامي عسير
وقتها ذكرت اني من زمان
يوم انه امهلني الزمان
هذا ظلمت .. هذا جرحت .. ياما كذبت
وذنوبي ماتحصي كثير
وقتها الىَ ندمت .. ونفسي كرهت
عرفت ان الله كبير وان الهلاك اصبح اكيد
واني انا مالي رجاء .. ولاهروب من الدجى
من الجحيم الا بأمل عندي وحيد
ان الله غفـّار ورحيم
ابسألك ياصاحبي عني أنا في وقتها
ماني فقير ؟؟؟

للأستماع اضغط هنـا

كليك يمين وفتح في نافذه جديده

التصميم

او من هنــا

ماذا تفعل اذا كان الصمت طبعك ؟

يقال أن الصمت أبلغ لغات الكلام

ويقال ان الكلام من فضة فالسكوت من ذهب.

قيل الكثير عن الصمت

والكثير منا يعانون من الصمت

ولكن ماذا تفعل إذا كان الصمت طبعك عند الحزن والغضب .. ؟؟

عندما يسيء اليك عزيز لديك بكلمة أو تصرف ...

فيلفك الصمت وتتجمد الحروف على شفتيك .. وتتحجر الدموع في عينيك . ماذا تفعل ؟؟

إذا تجاهل هذا الشخص ألمك

وتناسى إساءته

وتابع حياته معك وكأن شيئا لم يكن .. والصمت طبعك .. والألم بداخلك يقتلك .. ماذا تفعل ؟؟

إذا تجاهلك عزيز لديك والتفت الى أولويات واهتمامات أخرى

وابتعد عنك .. وأنت تركض خلفه تريد احتضانه .... ويستمر باهتماماته الاخرى

فتتركه وتبقى مع ذكرياتك
يعود اليك لائما معاتبا

متهما اياك بالبرود والابتعاد عنه

وانت بصمتك لاتستطيع ان تقول له انه المخطىء وترد على اتهاماته

وتبقى مع ألمك الداخلي لاتستطيع حتى أن ترتشف قطرة الماء تشعر أن كل شيء فيك قد تجمد .. ماذا تفعل ؟؟

إذا تعلقت بإنسان وشعرت انك بوجوده معك قد ملكت العالم بيديك

واختفى من حياتك , وهو يعرف انه بتصرفه سيقتلك قلقا وخوفا عليه

ويتركك تنهار وتنهار وتتحطم
ويعود إليك

معاتبا متسائلا لماذا تغيرت ؟؟ وأنت تقف حائرا وتشعر أن جميع حروف الهجاء قد اختفت من ذاكرتك

. فالصمت طبعك .. ماذا تفعل ؟؟؟؟

عندما ينظر إليك الناس على انك متكبرمتعالي عليهم

ولكن حقيقتك ونقطة ضعفك أنك تخاف الاختلاط بهم خوفا من اية

اساءة مقصودة أو غير مقصودة تقف امامها عاجزا عن الرد .... ماذا تفعل ؟؟

عندما تهرب بصمتك ممن اساء اليك لتبكي بمفردك وتبكي

وعليك أن تظهر أمام الناس بانك سعيد وقوي.. مرح متفائل ...ماذا تفعل ؟؟؟

عندما تشعر بأن قلبك اصبح اضعف من أن يحتمل المزيد من الالم

ممن حولك .. وأنت لاتعرف أن تتكلم عند الحزن والغضب .. ولا تعرف أن تلوم أو تعاتب ... ماذا تفعل ؟؟

عندما يحضنك ارق انسان واحن قلب عليك _ أمك _ وتبحث في عينيك

عن اسباب حزنك .. فأنت عاجز عن النطق وخائفا من أن تكتشف

بحدسها اسباب حزنك .... وانت حريصا على ان لاتسيء امام الناس لمن كان سبب آلامك ... ماذا تفعل ؟؟

هل جربتم يوما شيئا كهذا ؟؟

هل احسستم بالم الصمت ؟؟

عند صمتكم بهذه الحالات لن تستطيعون الكلام ولا الشراب أو الاكل

.. قد تستمرون لساعات أو ايام حسب الإساءة .. يتبعها ألم قاتل

بالمعدة وتشنج ومضاعافات ذلك قد يستمر لاشهر

ماذا تفعلون إذا كنتم لاتستطيعون التغلب على نقطة ضعفكم التي

هي صمتكم عندما يساء اليكم ؟؟

بصراحة انا طبعي الصمت ...وحاولت كتيرر إني لاقي جواب لهذا السؤال سبب بس مالقيت

ماذا تفعل اذا كان الصمت طبعك ؟

بأنتظار رأيكم

دحين دي شوية صور للماسنجر عملناها لكم

ان شاء الله تعجبكم

::1::

::2::

::3::

::4::

::5::

::6::

وهنا حـ اوريكم كلمات عجبتني

وسويت فيها تصميم يارب يعجبكم

::الكلمات ::

i close my eyes

ay down and sleep away

there's no return

it's my mistake

there's no mistake

there's no use in crying

it's time to learn

اضغط هنا كليك يمين وفتح نافذ جديده

عشان تشوف التصميم

اضغط هنــا

بانتظار رايكم

واخيرررا

خاطره بقلم لحظه غرام بعنوان

:: بــاخرة الحــب ::

باخرة الحب
وسفينة الدرب
حيث ترسي البواخر
في نهايات النواظر
عند شواطئ الحب تتبعثر الذكريات ..
وتقف امال القلب العريضات
في مخيلة قطرات السنين ..
يمضي مع الحب الدفين
لتفجر عن ألم حائر
في زمنن امر جائر
في حنايا اضلع المهن ..
لترى عجائب الزمن
لترى ذلك الخيال
يغزو تلك الامال
في مخيلة جدران
الأمل المليء بالحب المجهول ..
والتي تحتار معه العقول
ذلك السراب الغامض ..
صاحب القلب النابض
اراه في مخيلة وجهكـ ..
وفي تصرفات طبعك
لما هذا الغموض .؟
لما تختفي عنك الحضوض ؟؟
لما لاتكن صريحاً معي ..؟
لما لا تمحي آلام مدمعي ؟؟
ألكبريائكـ .. حق في الحب ..
؟؟؟
ام هم من طبائع الذنب ؟؟
أعترف بأني ذرفت عيناي في غيابك
وكم تبعت اطياف امل من سرابك
دموع الحب قد حنت إليك ..
ودماء القلب قد نزفت عليك
حتى أختلطت بشاطئ الذكرى ..
متى سوف تعود ..
والى متى تلك الوعود ؟؟
بيدك تمسح دموع الحب ..
وتفرح بقدومك هذا القلب
بحنان صدرك تضمني كطفلة صغيرة ..
ضاعت بين الاطفال من الحيرة
ياترى متى اللقاك..
متى تصافح يدي يداك
أراك حلماً تداعبني ..
وقلبي اليك يسبقني
طيراً ترفرف علي دنياي ..
فبرؤيته تسعد عيناي
حباً عشقاً ابدي ..
ابدا لاينتهي ....

اتمنى تعجبكم زي ما عجبتني

هـااا كيف بس ..؟

يجي مننا ولا ما ننفع ونقفل السبيس

؟؟

ان شاء الله يكون عجبكم البلووق

وبدي رأيكم

يعني في الستايل كدا احلى بخلفيه..؟

ولا بدون .؟؟

بإنتظــار تعليقاتكم يا حلووين

اووووبس

نسيت اقولكم

كل عام وانتم بألف خيرر

واضحى مباررك يارب

كل واحد يذبح اخوه

خخخخخخ قصدي خاروف العيد

وخاصة بنت السديم المجرمه

اخاف تذبح شغالتهم ههههه

في اماان الله

شوشو + والى اللقاء

Tue, 20 Dec 2005 16:43:29 GMT

السلام عليكم

كيف الحال ..؟

انا الحمد لله ماشي حالي ومو مبسوط

والموود مو كويس

وسوري على التقصيرر

مررة اتأخرت

أوكي اليوم حوريكم حاجة عن البنات

أنه من جد ما يعجبهم عجب خخخخخخخ

مدري ايش يبغوا ..؟؟؟؟

NOT all G!rl

تم افتتاح مركز تسوق للأزواج في دالاس حيث يمكن للسيدات الذهاب واختيار

زوج من بين مجموعة كبيرة من الرجال

المبنى مكون من خمسة أدوار كلما صعدت للدور الأعلى كان الرجال أفضل في

الصفات و المميزات القاعدة الوحيدة أنك لو فتحت باب أي دور من هذه الأدوار

لابد أن تختار زوجا أو تصعد للدور للأعلى
ولا يمكنك الرجوع مرة أخرى .. النزول يكون للخروج بلا عودة فقط

فذهبت صديقتين الى المركز لاختيار زوجين

الدور الأول عليه لافتة تقول
الرجال هنا لديهم وظائف محترمة و يحبون الأطفال
فقالت الفتاتان لبعض: حسنا هذا أفضل من الا يكون لهم وظيفة أو الايحبوا
الأطفال

ولكن لنر ماذا في الدور الأعلى
الدور الثاني عليه لافتة تقول
الرجال هنا لديهم وظائف بمرتبات عالية .. يحبون الأطفال .. و في غايةالوسامة

قالت الفتاتان .. ممممم .. ولكن ماذا في الأعلى؟

الدور الثالث عليه لافتة تقول
الرجال هنا لديهم وظائف بمرتبات كبيرة .. يحبون الأطفال .. في
غايةالوسامة و يساعدون في شغل البيت

قالت الفتاتان : وااو .. رائع .. ولكن ماذا قد يكون
في الأعلى ؟

الدور الرابع عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في
غاية
الوسامة و يساعدون في شغل البيت .. و في غاية الرومانسية

قالت الفتاتان : يا الهي .. تخيلي ماذا يكون بانتظارنا في الدور الأعلى

فصعدتا الى الدور الخامس
وجدتا لافتة تقول :
لا رجال هنا و هذا الدور فاضي و موجود فقط

لإثبات أنه من المستحيل ارضاء المرأة!!!!!!!!!! .. ..

طبعا مو كل البناات الاغلبية بس

<<<< يعطيهم أمل في الحياة

هههههههههههههههه

يالله دي صور لشوشو

قولوا ماشاء الله

<<<<< يخاف عليها

هنا لما كنا في البر

وهنا جمب البحر

ايوا صح كمان لو تخلوو الصفحة تفتح كويس حتسمعوا ايش تقوول

صفحة السبيس قصدي كح كح

سوري اليوم مافي تصميم الفوتوشوب خربان عندي

ممم ايوا صح كمان حغيب عنكم ابتداءا من تاريخ

22 - 12 -2005

يعني دا اخر بلووق ان شاء الله

وبعد الاختبارات اكمل او على حسب الوقت

المهم نكمل

دا الفلاش لوحدة سعودية قلدت برتني سبيرز

بس معليش الصوت مو مرة واضح

يعني لازم تعلو الصوت شوية عشان تسمعوها كويس

وصورة البنت حتطلع في الاخير

مدري متى ربنا يهدي دول البنات

بس الصراحة طالعة قمررر

بس برضو الله يهديهاا

كح كح

كليك يمين وفتح نافذة جديدة

هنـــــــــــــــا

وبالله قولولي رأيكم فيها

كمان لا تنسوو

الي يبغى يصير مشهور يدخل يسجل هنـاا

بسرررعة لحقوووا لوول

http://www.ar-sp.com

استنى الكومنت

وحرد في اقرب وقت عليكم

قصة حزينة + ديو + تصميم

Thu, 08 Dec 2005 00:52:59 GMT

السلام عليكم

اتمنى الجميع يكونوا بخيير

ابدأ البلووق بدا الموضوع او بالاصح بدي القصة

سلطان بن رباح ومحمد بن عقيل

اصحاب واحباب زي ما يقولوا رب اخ لم تلده امك

سلطان من كثر حبه لمحمد لما جاه ولد سماه محمد على اسم صاحبه

الاتنين كانوا يحبوا الصيد ويعشقووه مررره

ومره من المرات في رحلة كانوا خارجينها هما الاتنين

على الظهر كدا كان محمد قاعد يجهز الغدا وسلطان جالس ينظف السلاح الي كان معاهم

وفجأة ومن غير قصد انطلقت رصاصة من السلاح وجااات في قلب

محمد ( وسلطان اصلا ما يدري انه في طلقة في المخزن حق السلاح ).وطبعا المنطقة

فاضية لانها برحة وصحراء وحالة فما قدر سلطان يسوي شي

الشرطة حطت سلطان في السجن والمشايخ بدأو يروحوا عند

ابو محمد ( والد الميت ) ويترجوه انه يسامح سلطان لانه مو قصده

بس للأسف من غير فايده واصدرت الشرطة الحكم عليه بالقصاص..!!!؟

وبعد ما تنفيذ الحكم لما جوو يدفنو سلطان بالصدفة طلع قبر

سلطان جمب قبر محمد (صاحبه الي مات ) ما حطول عليكم

اسمعوا القصيدة من هنــا صراحة قصة حزنتني كتييير

واستغربت لما نفذوا الحكم عليه ..!!!!!!!!!!!!!!!!!!!!!؟

كليك يمين وحفظ الهدف بأسم

http://www.jawaly.org/rm/THBEE7.rm

واتمنى تعجبكم

امس كنت اكلم صاحبي فقلي شي صار معااه حقولكم هوا

الحلوو صاحبي اخد مفتاح سيارة اخوه وخرج فيها في الليل

وراح على منطقة رملية جمب بيتهم وصار يمشي هناك

شوية ويشوف السيارة وقفت ما تمشي بس شغالة يعني

نزل يشوف حصلها مو مغرزة واستغرب ليش واقفة ..؟

المهم قام شاف مجموعة هنوود وناداهم يساعدوه

جلسو يدفو السيارة كتييييييييير بس ما اتحركت من مكانها

صاحبي اتأخر ما عرف ايش يسوي خايف لا يصحى اخوه

اخر شي تعرفوا ايش طلع السبب .........؟؟

ـهههههههههههههههـ

الهاند بريك ( فرامل اليد ) كانت مرفوعه

ـههههههههههههههههههـ

وربي محشش بالقوة

دي المياه الغازية <<<<<< علشان في ناس اتفلسفو لووول

صح يا بنت انتي وهيا ولالا...؟

المهم الديوو دا اتعرفت عليه لما مرة صاحبي عزمني عليه وشربناه على البحر

المهم مرة من المرات شفت اولاد جالسين يكسروا القزاز حق الديو بيدهم

يعني يسوي حركة بيده وانا صراحة عجبتني الحركة

انه يدقها كدا دقتين وتنكسر مررة

فاناجيت اسوي فناان ومدري ايش

وجربت اول مرة ماانكسرت

وتاني مررة ما انكسرت

بعدين جربت التالتة انكسرت

هيييييييييييييه انبسط

وصرت كل مااشوف قزازة عصير اكسرها بالحركة دي

فـ مرة خلاص خارجين من المدرسة وجيت اسوي الولد القوي

كنت جالس اسويها برى المدرسة

المهم صاحبي كان جالس جمبي

وانا ضربت القزازة ماانكسرت ..!!!!؟

واصلا كنت يومها خارج معصب من المدرسة

كنت مضارب مع الاستاذ علشان شعري كان طويل لووول

ضربتها بقوة وكسرتها المهم خلاص وقفت ابغى اروح

ولا احس شي ينقط من يدي

طالعت..؟

لقيتها كلهاااااااااااا دم

وينقط كتيييييييييييييييير

المهم رجعت للمدرسة لاني كنت في الدكان الي جمبها

شافتني المديرة خخخخخخخخ ايوة مديرة مو مدير

المهم قالت : اييييييييش داااااااااااااااااااااااااااااا

ومن ايش ...؟ ومتى ......؟ وليش ما رحت البيت

قللتلها اتسكر على يدي الباب

قالت ايت باب وجلست تحقق

المهم قالتلي ما عندك دم

انا قلتلها اجل دا عصير الي بينقط مني ههههه

قالت استحي على وجهك قلتلها طيب اسف

حتوديني المستشفى ولا كيف ..؟

قالت ايوا دحيت ارسلك مع الاستاذ

قلت اوكي

ركبنا معاه

الاستاذ : كيفك يا ابني

انا وجمبي صاحبي

قلت : الحمد لله

قال : كيف صار كدا

قلت : سحر

قال : وقتك دحين

قلت : المستشفى على اليمين

قال: لا ما بوديك دي بوديك البعيدة

قلت : هههههههه دا الي شاطرين فيه تحطوا المستشفيات بعيدة علشان لو في ميت على طول يموت

قال : اسكت لا احد يسمعك

قلت طيب

شوية صاحبي حب يستهبل على الاستاذ

قله يا استاذ احمد اغمى عليه

الاستاذ خاف والسيارة صارت تروح يمين شمال

صاحبي : ههههه لا تموتنا احمد مافيه شي

الاستاذ : هوا وقتك يا عيل يا معفن

انا : ههههههههههههههههه

الاستاذ : انت بتضحك يا احمد موش كدا

انا : اجل ابكي

الاستاذ : بس يلا انت لازم تبكي عشان ايدك موش تضحك

قلتله طيب

شوية وحسيت الجرح يحرقني مررررة وخصوصا انه في اصبعي الصغيرر

المهم جلست اقول : اي اووف يحرق

الاستاذ قال انا مش فاهم انت ما بتبكيش ليييه

قلتله : اقولك اسرع بلاش كلام فاضي ترى يدي تعورني

قال الاستاذ الي جمبه خد كل التمر رح يخفف الالم

قلتله نعم يا بابا تمر مين الجرح في يدي مو في بطني

قلي معليش كل

قلتله طيب مافي عصير معاه ولا حاجة

قال : ههههههههههههههه يا معفن عاوزز عصير هاا

قللتله انت دحين من جد رايح المستشفى ولا حتخطفني انا وصاحبي

وتطلب فديية

قال الاستاذ : للأستاذ الي جمبه : بص الولا احمد بيقول ايه

التاني : اصله بيتفرج افلام كتيررر

انا : هيهيهيهي يا دمك يا شيخ

صاحبي : هههههههههههه احمد استحي

انا : عادي يبويا دا الاستاذ اخويا الكبير صح يا استاذ

الاستاذ : يعني ايه يعني مش فاهم

انا : لا ولاشي

المهم اخر شي وصلنا

و4 غرز في ييدي

ولين دحين معلمة بس خفيييف

بس بعد ما طلعنا من المستشفى ونصايح وكلام فاضي

كسرت وحدة تانية قدام الاستاذ

وضربني ههههههههه

نستفيد من دا كلوو

الديو يسبب العقم خخخخخخخخخخ

<<<<< يخرب على الشركة

تاني شي لا تقلد كل شي تشوفه وخاصة الشي الخطر

تالت شي بطل لقاافة وكل شي تبغا تسويه

<<<< قول لنفسك

لوول

اوك وادوني رأيكم في دا التصميم

ان شاء الله يعجبكم

اضغط على الصورة علشان تشوفه

ونأسف للإطالة

بانتظار

your comment

++ شباب وموقف صار دوبه طاازه لوول ++

Fri, 02 Dec 2005 03:23:35 GMT

السلام عليكم

كيف حالكم..؟

<< سؤال ما يحب يسأله كتيرر

لانه كله نفس الجوااب لوول

اوك اليوم صار معايا موقف لا احسد عليه خخخخخخ

رحت اصلي صلاة العشااء في المسجد

المهم دخلت المسجد وكانت فاتتني ركعة ..!!؟

خلص الامام الصلاة وسلم ولما جيت اقوم

شوفت شي عدى من قداامي بسررعة مررة

بعدين قلت خليني اكمل صلاتي شكلي اتخيل

شوية ويتحررك مررة تانية من بين رجوولي

ويعدي على الي جمبي ويطلع فوق رجووله

ياربييي من فين جاا داا ..؟

شوية والاقيه على ركبت الي جمبي

والله مررة ما عرفت اركز في الصلاة

وفجــــــــــأة

وقف بين رجولي وانا رااكع..!!!!!!!!!!؟

ياشباب احد يشيله يخووفه خخخخخخخ

والله ولا احد في الدنياا

<<< ضحية صرصورر

وطوولت في الركوع علشان يمشي المعفن وما مشي

يا ابن الحلال شيلك حطك ماافي مو راضي يتحرك

وانا اخااف لو سجدت يععععععع يجي على وجهي

وربي بعدين اتشقلب في الجوو خخخخخخخخخخ

المهم شوية واشوفه اتحررك قمت على طول سجدت ورفعت

وقرات التحياات بسسررررررعة وبعدين سلمت وجررري على البااب

وجالس ادور عليه فينو المعفن واشوفه بين رجول الي كاان جمبي

وجالس ينط وربي مو انه يمشي وبس لا ينط كماان

المهم اخر شي جا واحد شاله كدا يعععع ورمااه برى

تعرفوا ايش طلع ..؟

نملة

هههههههههههههههههههههههههههه

لا والله امزح

طلع

:
:
:

ههههههههههههههه

زي العسل دا بس داك على اكبر واعتقد والله اعلم انه يطيرر

موقف حللو هاا لا احد يضحك

هيي انت اسكت ولا حرف

<<<< ههههههههههههههه

مسكين مسكين هوو هوو

معليش اليوم مافي حركاات وتزيين وتصاميم

مررة مالي نفس ونفسي مسدودة

المهم وانا جالس ادور والفلف في المواقع اليوم حصلت شي

حصلت المسجد الاقصى من جوا دا فلاش يخليك جوا المسجد وتقدر تشوفه كلله

اضغطووا هنــــا

http://www.visualdhikr.com/extra/aqsa_pano.htm

اموووت في الاررررانب مرة لزيزيين

وخاصة الي عيونهم حمررا..!؟

كنت اجري ورراهم انا وصغير لوول

نجي للموضوع الي وعدتكم فيه

الي هوا حق الشباب زي ما قلنا اول

وطبعا اكييد نبغى رأي البناات لانه مهم صرااحة

<<<< يحب يسمع من الطرفين

ومن دحين اقول الموضوع على فئات معين

يعني كلامي مو على الكل

وترى الصورة جلست خمس دقايق اسوي فيها يعني ياويلكم لو مااحصل رد على دا الموضوع

يالله نبدأ بسم الله

طبعا الشباب دي الاياام كل واحد وله طموحه وله احلامه واهدافه

وصرراحة انا شايف انه مررة مافي مسؤلية من ناحية الشباب بشكل كبيرر

والبناات طبعا بس الشباب اكترر .. يعني كل شي اخدينه لعب ورجه وخرجاات

يعني مثلا انت انسان وعندك احلام .. بالله مستني مين علشان يحققلك هيا

ترى المعجزات خلاص خلصت وما حتصيرر والوحي ما ينزل الا على الرسل

صلى الله عليهم

يعني لازم نصحى ونشوف نفسنا شوية .. ايش نبغى .. ايش في بالنا

لازم نشجع بعض ونوقف جمب بعض في الحاجاات الكويسة الي تفيدنا

مو طلعاات وهبقاات ( ماادري ايش معنى دي الكلمة خخ) وترقيم وهبالة

بالله كيف ولد محترم زيك يجري ورى بنت ..؟

هوا صح في بناات يحبوا دا الشي ما انكر بس انت كيف ترضاها على نفسك انه وحده
تجرك..؟

تلحقها من مكان لمكاان تكلمها جوال .. تصرف عليهاا .. دا كله مو هبل بالله .. ..؟

لو فلوسك زيادة يا بابا روح اديها لناس محتااجة مو تصرفها على بناات رخيصة ..!؟

ولو بنت عااجبتك اتقدملها واصرف عليها بالحلال مو بالحراام ..!؟

بالله مو كل واحد نفسه يتزوج ويكون بيت وأسرة ويكون عنده بنت او عروسة

تهتم فيه يهتم فيها ويجيبوا عياال وينبسط في عيشتوا ولا ايش رايكم انتوا..؟

طيب مو لازم تكون نفسك كويس علشان تقدر تحقق دا الشي ولا هيا العروسة حتجيك

وتقولك فينك يا فلان يالله تعال اخطبني ..؟ لازم تشتغل تجيب فلووس تكتسب خبرات تسوي وتعمل

ترى مافي شي مستحيل والله وكلمة مستحيل موجودة بس في قاموس الاغبيااء مع احترامي للجميع

حتقولي انت بس تتفلسف طيب خلينا نمشي حبة حبة ونشووف

انت قد السؤلية ..؟
دحين نشوف

بالله لو صاحبك ادااك سيارته وخارج انت واصحاابك

كيف حيكون تعاملك مع السيارة تفحيط واغااني ورجه ويمكن تصدم وتجروحها وتخربها

بس لو كانت سيارتك .........!!!!!!!!!!؟

والله لو واحد قفل الباب ورزعه بقوة يمكن تقوله خدلك تكسي يا شيخ علشان انت خايف على السيارة

ليش ..؟ لانك تعباان فيها دافع عليها تعبك اما سيارت صاحبك عاادي لو تنفجر انت مو خسران شي

صاحبك الخسران

لما تتزوج لازم تكوم مأسس نفسك كويس

اهلك محتاجين اكل شرب ملابس مدارس ووووووووو...........الخ

الفلووس حتجيك لوحدها...؟ طبعا لا

لازم انت تتعب علشان تجيك

خلينا نقول انك حبيت وحدة بنت طيب ..؟

وخلاص تبغى تتقدملها علشان لا تروح منك ..!

طيب دي لما تتقدملها مو لازم فلووس..؟

ولا حتاخدها ببلاش ..؟ لاو الله يا حبيبي مهي كاسة نسكافيه تاخدها ببلاش

اول شي حتسألك عنه ايش تشتغل .. ايش اهداافك .. كيف تفكيرك .. مين يصرف عليك

بالله حتقولها بابا ...؟

ولا ماما ..؟

ولا حتقولها بابا بس انا جالس ادور على شغل ..؟

طبعا لازم تقولها انا... علشان تعرف انها متزوجة رجال يعرف يحميها وما يخليها محتاجة شي

ترى اهلك مو دايمين لك بعد عمر طويل ان شاء الله .. يعني لازم تعتمد على نفسك وتفكر شوية بس

اتعب دحين شويتيين وارتااح في الاخيرر خلي كل شي في يدك دحين شهاداات وعلم وفلووس والي تقدر عليه

بعدين اقعد مرتااح وحط رجل على رجل والله مااحد حييكلمك .. بس لازم تضمن مستقبلك.. ولا اجل ليش عايش

لاسمح الله احترق البيت وطار كل شي عندكم .. مين حيوقف مع ابوك وقتها .. حتقولي وقتها ادور على شغل

طيب مو لو كنت تشتغل بدال السهر والكلام الفاضي كان دحين معاك كم قرش اديتها لابوك وساعدته

ولا تحب انه الناس تعطف عليك وتديك صدقات ..؟

صراحة انا امووت ولا اخد صدقة من احد مو تكبر ولا غرور لا والله

بس احسها مو حلووة في حقي او ما بدي احسس احد انه له فضل عليا

الفضل كله لله

وعلى الشغل صح الواحد الايام دي يتعب لين يحصل شغل

والشركات ما ادري ايش تبغاا

بس لو كان معاك شهادات وخبرات صدقني يدوروا عليك

يعني بالمختصر شد حيلك

في جملة كنت احبها وانا صغيرر

( من طلب العلا سهر الليالي )

يعني لازم تتعب علشان تحصل الي تبغااه

وبدون تعب ما رح تاخد شي

اعطيكم مثال حلوو

لاعب الكورة = انت
الكورة = حلمك
الهدف او المرمى = المكان الي لازم توصله
اللاعبين = العقبات الي قدامك

يعني لازم اللاعب يعدي كل اللاعبين علشان يوصل الهدف حقه للمرمى

الي هوا يعتبر خط النهااية وبعد كدا خلاص ياخد الكأس الي هوا ثمن مجهوده وتعبه

<<< حركات في التشبيه

المهم ما حطول عليكم اكتر من كدا ولو انه في لسه كلام

بس خليه لقداام

وانتظر تعليقكم

بنات وشباب

ايش كماان ياربي

ايوا معليش يمكن اغيب عنكم فترة بسبب الاختباراات

لانه لسه ما بدأت مدري ايش مستنين الله يهديهم ...!!؟

فلازم اشد حيلي شوية وشوية دعاوي من عندكم ليا مو عليا لووول

ولا تحرموني طلتكم الحوة دي

وانتظرووا الجديد

ديوو قوووووي ألبــــــك

ههههههههههههههه

اموت على العصير داا

وخاصة لما يكون في قزاز مو في علبلة لووول

بعدين احكيكم حكايتي معااه

سي يوو

SooN

oOo KING 911 oOo

في ذمة الله

تصميمين + الدنمارك + الستايل

موضوع مشترك بيني وبين الاخت لحظه غرام

شوشو + والى اللقاء

قصة حزينة + ديو + تصميم

+*+ شباب وموقف صار دوبه طاازه لوول +*+

++ شباب وموقف صار دوبه طاازه لوول ++